ఆజాదీ కా అమృత్ మహోత్సవ్ వేడుకల్లో భాగంగా ప్రధాని నరేంద్ర మోడీ ఐకానిక్ వీక్ సెలబ్రేషన్స్ ప్రారంభించారు. ఈ సందర్భంగా కొత్త నాణేలకు విడుదల చేశారు. కేంద్ర ఆర్థిక శాఖ, కార్పొరేట్ వ్యవహారాల శాఖ ఆధ్వర్యంలో ఈ కార్యక్రమాన్ని నిర్వహించారు. కేంద్ర ఆర్థిక శాఖ మంత్రి నిర్మలా సీతారామన్ కూడా హాజరయ్యారు. అనంతరం ప్రధాని మోడీ, నిర్మలా సీతారామన్ కలిసి కొత్త నాణేల శ్రేణిని ఆవిష్కరించారు.
అయితే, ఈ నాణేలకు ఒక ప్రత్యేకత ఉంది. ఈ నాణేలను అంధులు సులభంగా గుర్తించేలా రూపొందించారు. రూ.1, 2, 5, 10, 20 మారకపు విలువ కలిగిన కొత్త నాణేలను ముద్రించారు. ఇవి కేవలం స్మారక నాణేలు మాత్రమే కాదు.. త్వరలో వాడుకలోకి వస్తాయని కేంద్ర ఆర్థిక శాఖ వెల్లడించింది. ఈ సందర్భంగా ప్రధాని మోడీ 12 పథకాలతో అనుసంధానించిన ‘జన సమ్మర్ద్ పోర్టల్’ను ప్రారంభించారు.
https://twitter.com/ANI/status/1533714678555496448/photo/1
ఈ కొత్త నాణేలు దేశాభివృద్ధికి, ప్రజల్లో స్ఫూర్తి నింపుతాయని మోడీ తెలిపారు. ఆజాదీ కా అమృత్ మహోత్సవ్ సందర్భంగా విడుదల చేసిన నాణేలు అమృత్ కాలం నాటి అద్భుత ఘడియలను ప్రజలకు గుర్తు చేస్తాయన్నారు.
