హీరో నితిన్ వరుస సినిమాలు చేసుకుంటూ దూసుకెళ్తున్నాడు. ప్రస్తుతం ఆయన చంద్రశేఖర్ ఏలేటి దర్శకత్వంలో చెక్ అనే సినిమా చేస్తున్నాడు. ప్రియా వారియర్ హీరోయిన్ గా తెరకెక్కుతున్న ఈ సినిమా మీద ఆసక్తి నెలకొంది. అయితే ఈయన మేర్లపాక గాంధీ తో కూడా ఓ సినిమా చేస్తున్నాడని గతంలో ప్రచారం జరిగింది. అయితే ఆ సినిమా ఏదో కూడా తెలియని పరిస్థితుల్లో ఏకంగా సినిమా రిలీజ్ డేట్ అనౌన్స్ చేయడం ఇప్పుడు ఆసక్తికరంగా మారింది.
మేర్లపాక గాంధీ దర్శకత్వంలో నితిన్ హీరోగా నటిస్తున్న ఈ సినిమా జూన్ 11వ తేదీన దేశ వ్యాప్తంగా రిలీజ్ చేస్తున్నామని నిర్మాతలు ప్రకటించారు. బాలీవుడ్ హిట్ సినిమా అందాదున్ రీమేక్ గా దీనిని తెరకెక్కిస్తున్నారు. ఈ సినిమాని నితిన్ సొంత బ్యానర్ అయిన శ్రేష్ఠ మూవీస్ బ్యానర్ మీద ఆయన తండ్రి సుధాకర్ రెడ్డి, సోదరి నిఖితారెడ్డి కలిసి నిర్మిస్తున్నారు. మహతి స్వర సాగర్ సంగీతం అందిస్తున్న ఈ సినిమాకి ఏ టైటిల్ పెడతారు అనే అంశం కూడా ఇప్పుడు ఆసక్తికరంగా మారింది.
