అదిరిపోయే ఫీచ‌ర్ల‌తో విడుద‌లైన వ‌న్‌ప్ల‌స్ 8టి స్మార్ట్ ఫోన్

-

మొబైల్స్ త‌యారీ సంస్థ వ‌న్‌ప్ల‌స్ కొత్త‌గా వ‌న్‌ప్ల‌స్ 8టి పేరిట ఓ నూత‌న ఫ్లాగ్‌షిప్ స్మార్ట్ ఫోన్‌ను భార‌త్‌లో విడుద‌ల చేసింది. ఇందులో 6.55 ఇంచుల ఫుల్ హెచ్‌డీ ప్ల‌స్ రిజ‌ల్యూష‌న్ క‌లిగిన అమోలెడ్‌ డిస్‌ప్లేను ఏర్పాటు చేశారు. ఈ డిస్‌ప్లే 120 హెడ్జ్ రిఫ్రెష్ రేట్‌ను క‌లిగి ఉంది. అందువ‌ల్ల పిక్చ‌ర్ క్వాలిటీ ఎంతో అద్భుతంగా ఉంటుంది. ముందు వైపు 16 మెగాపిక్స‌ల్ కెమెరాను ఏర్పాటు చేశారు. ఈ ఫోన్‌కు గొరిల్లా గ్లాస్ ప్రొటెక్ష‌న్‌ను అందిస్తున్నారు.

OnePlus 8T smart phone launched in india

వ‌న్‌ప్ల‌స్ 8టి స్మార్ట్ ఫోన్‌లో ఆక్టాకోర్ స్నాప్ డ్రాగ‌న్ 865 ప్రాసెస‌ర్‌ను అమ‌ర్చారు. ఇది 5జి కి స‌పోర్ట్‌నిస్తుంది. 12 జీబీ వ‌ర‌కు ప‌వ‌ర్‌ఫుల్ ర్యామ్‌ను ఈ ఫోన్‌లో అందిస్తున్నారు. ఇందులో ఆండ్రాయిడ్ 11 ల‌భిస్తుంది. వెనుక వైపు 48 మెగాపిక్స‌ల్ మెయిన్ కెమెరాకు తోడుగా మ‌రో 16 మెగాపిక్స‌ల్ అల్ట్రా వైడ్ కెమెరా, 5 మెగాపిక్స‌ల్ మాక్రో కెమెరా, 2 మెగాపిక్స‌ల్ మోనో క్రోమ్ కెమెరాల‌ను ఏర్పాటు చేశారు. ఈ ఫోన్‌లో 4500 ఎంఏహెచ్ కెపాసిటీ ఉన్న బ్యాట‌రీ ఉంది. దీనికి 65 వాట్ల ఫాస్ట్ చార్జింగ్ ఫీచ‌ర్‌ను అందిస్తున్నారు. అందువ‌ల్ల ఈ ఫోన్ 0 నుంచి 100 శాతం చార్జింగ్ పూర్త‌య్యేందుకు కేవ‌లం 39 నిమిషాల స‌మయం మాత్ర‌మే ప‌డుతుంది.

వ‌న్‌ప్ల‌స్ 8టి స్పెసిఫికేష‌న్స్‌…

* 6.55 ఇంచుల ఫుల్ హెచ్‌డీ ప్ల‌స్ ఫ్లుయిడ్ అమోలెడ్ డిస్‌ప్లే
* 1080 x 2400 పిక్స‌ల్స్ స్క్రీన్ రిజ‌ల్యూష‌న్‌, గొరిల్లా గ్లాస్ ప్రొటెక్ష‌న్
* 2.84 గిగాహెడ్జ్ ఆక్టాకోర్ స్నాప్‌డ్రాగ‌న్ 865 ప్రాసెస‌ర్
* 8/ 12 జీబీ ర్యామ్, 128/256 జీబీ స్టోరేజ్‌, ఆండ్రాయిడ్ 11
* డ్యుయ‌ల్ సిమ్‌, 48, 16, 5, 2 మెగాపిక్స‌ల్ బ్యాక్ కెమెరాలు
* 16 మెగాపిక్స‌ల్ సెల్ఫీ కెమెరా, ఇన్ డిస్ ప్లే ఫింగ‌ర్ ప్రింట్ సెన్సార్
* యూఎస్‌బీ టైప్ సి, డాల్బీ అట్మోస్‌, 5జి, డ్యుయ‌ల్ 4జి వీవోఎల్‌టీఈ
* బ్లూటూత్ 5.1, 4500 ఎంఏహెచ్ బ్యాట‌రీ, ఫాస్ట్ చార్జింగ్

వ‌న్‌ప్ల‌స్ 8టి స్మార్ట్ ఫోన్ ఆక్వామెరైన్ గ్రీన్, లూనార్ సిల్వ‌ర్ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్‌కు చెందిన 8జీబీ ర్యామ్, 128 జీబీ స్టోరేజ్ వేరియెంట్ ధ‌ర రూ.42,999 ఉండ‌గా, 12 జీబీ ర్యామ్, 256 జీబీ స్టోరేజ్ వేరియెంట్ ధ‌ర రూ.45,999గా ఉంది. అమెజాన్‌, వ‌న్‌ప్ల‌స్ ఆన్ లైన్ స్టోర్‌ల‌లో ఈ ఫోన్‌ను అక్టోబ‌ర్ 16 నుంచి విక్ర‌యించ‌నున్నారు.

లాంచింగ్ సంద‌ర్భంగా ఈ ఫోన్‌పై ఆఫ‌ర్ల‌ను అందిస్తున్నారు. హెచ్‌డీఎఫ్‌సీ కార్డుల‌తో ఈ ఫోన్‌ను కొంటే 10 శాతం ఇన్‌స్టంట్ డిస్కౌంట్ అందిస్తారు. 6 నెల‌ల వ‌ర‌కు నో కాస్ట్ ఈఎంఐ కింద ఈ ఫోన్ ను కొన‌వ‌చ్చు. జియో వినియోగ‌దారులు ఈ ఫోన్ కొనుగోలుపై రూ.6వేల వ‌ర‌కు ప్ర‌యోజ‌నాల‌ను పొంద‌వ‌చ్చు.

Read more RELATED
Recommended to you

Latest news