సినిమా ప్రపంచం వేగంగా మారిపోతుంది. ఎందుకంటే ఈ చిత్రసీమలో తరచూ వినిపించే మాట.. ట్రెండ్. అందుకే ఈ ట్రెండ్కు తగ్గట్టే సినిమాలు రూపొందుతుంటాయి. ముఖ్యంగా ఇప్పుడు ఇండస్ట్రీలో కనిపించే ట్రెండ్.. మల్టీస్టారర్/పాన్ ఇండియా. ఇప్పటికే ‘ఆర్ఆర్ఆర్’ లాంటి భారీ బడ్జెట్ చిత్రంలో ఎన్టీఆర్, రామ్చరణ్ లాంటి స్టార్ హీరోలు కలిసి నటించడంతో ఈ మల్టీస్టారర్పై ప్రేక్షకుల్లో మరింత ఆసక్తి పెరిగింది.
దీంతో దర్శకనిర్మాతలు భారీ కలయికల కోసం కథలు సిద్ధం చేస్తున్నారని తెలిసింది. ఇదిలా ఉంటే.. ఇప్పటికే దర్శకధీరుడు రాజమౌళి.. ఆర్ఆర్ఆర్ లాంటి మల్టీస్టారర్ తర్వాత తన కొత్త సినిమాను సూపర్ స్టార్ మహేశ్ బాబుతో అడ్వెంచర్ నేపథ్యంలో చేస్తున్నారు. ప్రస్తుతం ప్రీ ప్రొడక్షన్ పనులు జరుగుతున్నాయి.
అయితే జక్కన్న ఈ సినిమా సెట్స్పైకి ఇంకా తీసుకెళ్లకుండానే ఆయన గురించి మరో ఇంట్రెస్టింగ్ వార్త ఒకటి బయటకు వచ్చింది. అదే దర్శకధీర నెక్ట్స్ ప్లాన్ ఏంటి అనేది ఆసక్తికరమంగా మారింది? ఇప్పుడిప్పుడే దీని గురించి చర్చ ప్రారంభమైంది. అదేంటంటే.. ఇప్పటికే వరుసగా భారీ సినిమాలు చేస్తూ కెరీర్లో ముందుకెళ్తున్న జక్కన్న.. మహేశ్తో సినిమా తర్వాత మరో పవర్ఫుల్ మల్టీస్టారర్ సినిమా కోసం ఓ ఐడియా వేశారంట. అదే టాలీవుడ్ ఆక్షన్ ఆటమ్ బాంబ్స్ ప్రభాస్-ఎన్టీఆర్ కాంబోలో.
ఇప్పటికే బాహుబలితో ప్రభాస్-ఆర్ఆర్ఆర్తో ఎన్టీఆర్ పాన్ ఇండియా హీరోలుగా మారిపోయారు. అంతేకాకుండా వారి క్రేజ్ కూడా ఈ చిత్రాలతో దేశవ్యాప్తమే కాకుండా అంతర్జాతీయ స్థాయిలో పెరిగిపోయింది. అందుకే వీరిద్దరి కలయికో ఓ పవర్ ప్యాక్డ్డ్ పాన్ వరల్డ్ సినిమా తీయాలని యోచించినట్లు కథనాలు రావడం ప్రారంభమయ్యాయి. మహేశ్ సినిమా తర్వాత దీని మీద పని చేయాలని ఆలోచిస్తున్నట్లు తెలుస్తోంది. అసలు ఇందులో నిజమెంతో తెలియదు గానీ ఇది వినగానే సినీ ప్రేక్షకులు.. ఆ ఊహ ఎంత బాగుందో, నిజమైతే బాగుండు అని ఆశిస్తున్నారు. కాగా, ఇప్పటికే ప్రభాస్తో మూడు ఎన్టీఆర్తో నాలుగు చిత్రాలు చేశారు రాజమౌళి.
ఇక రాజమౌళి-మహేశ్ సినిమా విషయానికొస్తే.. యాక్షన్‌ ప్రధానంగా సాగనున్న ఈ చిత్రం కోసం జక్కన్న తండ్రి విజయేంద్రప్రసాద్‌ కథ అందిస్తున్నారు. పూర్తి స్క్రిప్టు సిద్ధమవకముందే ఎన్నో అంచనాలు పెంచేసిన ఈ సినిమాను పాన్ ఇండియా స్థాయిలో కె.ఎల్‌.నారాయణ నిర్మించనున్నారు. ఇందులో మహేశ్ ప్రపంచాన్ని చుట్టి వచ్చే సాహసికుడిగా కనిపించనున్నారట.
