రామాలయ వివాదంతో పాటుగా పౌరసత్వ సవరణ చట్టం, రాజ్యాంగంలోని ఆర్టికల్ 370 ను రద్దు చేయడం వంటి అంశాలపై కొన్ని ప్రతిపక్ష పార్టీలు ప్రజలను భయపెడుతున్నాయని ప్రధాని నరేంద్ర మోడీ ఆదివారం ఆరోపించారు. బీహార్ ఎన్నికల ప్రచారంలో ఆయన ఈ వ్యాఖ్యలు చేసారు. సిఎఎ వచ్చినప్పుడు, వారు (ప్రతిపక్షం) చాలా మంది ప్రజల పౌరసత్వం తీసివేయబడుతుందనే అబద్ధాన్ని వ్యాప్తి చేశారని ఆయన మండిపడ్డారు.
సుమారు ఒక సంవత్సరం గడిచిపోయింది. ఏ భారతీయుడైనా తన పౌరసత్వాన్ని కోల్పోయారా? అని ఆయన నిలదీశారు. బీహార్ అసెంబ్లీ ఎన్నికల ప్రచారంలో భాగంగా ఓటర్లను ఆకర్షించడానికి బీహార్లోని పశ్చిమ చంపారన్ జిల్లాలోని బాఘాలో జరిగిన బహిరంగ ర్యాలీలో ప్రధాని ఈ వ్యాఖ్యలు చేసాయి. జమ్మూ కాశ్మీర్‌లో ఆర్టికల్ 370 ను రద్దు చేయడంపై కూడా ప్రతిపక్షాలు అదేవిధంగా భయపెడుతున్నాయని ఆయన విమర్శించారు. ఈ రోజు, దేశంలోని ప్రజల సహకారంతో, ఉత్తరప్రదేశ్ లోని అయోధ్యలో ఒక గొప్ప రామ్ ఆలయం రాబోతోందన్నారు.
