కాంగ్రెస్ పార్టీ లో విషాదం చోటుచేసుకుంది. ఆ పార్టీ సీనియర్ నాయకులు కే శంకరనారాయణ ఆదివారం కేరళలోని పాలక్కడ్ లోని తన నివాసంలో కన్నుమూశారు. 89 సంవత్సరాలు ఉన్న శంకరనారాయణ… గత కొన్ని రోజులుగా అనారోగ్యంతో బాధపడుతున్నారు.
ఈ నేపథ్యంలోనే నిన్న ఆయన పరిస్థితి విషమించడంతో మృతి చెందినట్లు సమాచారం అందుతోంది. తన రాజకీయ కెరీర్ లో శంకర్ నారాయణ…. మహారాష్ట్ర, నాగాలాండ్, జార్ఖండ్ గవర్నర్గా పనిచేశారు.
అంతేకాకుండా గోవా, అరుణాచల్ ప్రదేశ్ , అస్సాం గవర్నర్ గా అదనపు బాధ్యతలు నిర్వహించారు. ఆయన నాలుగు సార్లు శాసన సభ్యునిగా ఎన్నికయ్యారు. అదే క్రమంలో కేరళ లోని ప్రభుత్వo లో వ్యవసాయం, ఆర్థిక మరియు ఎక్సైజ్ శాఖ మంత్రిగా పని చేశారు.
