ఝార్ఖండ్ సరాయ్కేలాలో ఘోర రోడ్డు ప్రమాదం చోటుచేసుకుంది. ఛాయ్భాసాలో కూలీలతో వెళ్తున్న ఓ పికప్ వ్యాన్ రోడ్డుపై బోల్తా కొట్టింది. ఈ ఘటనలో ఏడుగురు కూలీలు దుర్మరణం చెందారు. మరో 12 మంది తీవ్రంగా గాయపడ్డారు. ప్రమాదం జరిగిన సమయంలో వ్యాన్లో 25 మంది ప్రయాణికులు ఉన్నట్లు తెలుస్తోంది.
స్థానికుల సమాచారంతో పోలీసులు ఘటనాస్థలికి చేరుకున్నారు. గాయపడిన వారిని ఆస్పత్రికి తరలించారు. క్షతగాత్రుల్లో పలువురి పరిస్థితి విషమంగా ఉన్నట్లు వైద్యులు తెలిపారు. ప్రమాదానికి గల కారణం అతివేగమేనని పోలీసులు ప్రాథమికంగా నిర్ధారణకు వచ్చారు. ఈ ఘటనపై కేసు నమోదు చేసుకుని దర్యాప్తు చేస్తున్నారు.
