కేంద్ర మంత్రి స్మృతి ఇరానీ కుమార్తె షనెల్ వెడ్డింగ్ రిసెప్షన్ ముంబయిలో చాలా గ్రాండ్గా జరిగింది. శుక్రవారం సాయంత్రం జరిగిన ఈ వేడుకకు సినీ, రాజకీయ రంగాలకు చెందిన ప్రముఖులు హాజరయ్యారు. ఈ ఫంక్షన్లో స్పెషల్ అట్రాక్షన్గా ‘క్యోంకీ సాస్ బీ కబీ బహూ థీ’ యాక్టర్లు కనిపించారు.
ఇది రిసెప్షన్లా కాకుండా ఈ సీరియల్ రీయూనియన్లా అనిపించింది. ఆ సీరియల్ నిర్మాత ఏక్తా కపూర్, నటులు రోనిత్ రాయ్, మౌనీ రాయ్తో పాటు పలువురు యాక్టర్లు.. రిసెప్షన్కు సంబంధించిన చిత్రాలను సోషల్ మీడియాలో పోస్ట్ చేశారు.
ఈ సీరియల్లో స్మృతి ఇరానీ కీలకపాత్రలో నటించిన విషయం తెలిసిందే. రిసెప్షన్లో స్మృతి ఇరానీ.. ఎరుపు రంగు చీరలో గ్రాండ్ లుక్లో కనిపించారు. కాగా, కేంద్రమంత్రి కుమార్తె షెనల్.. ఈ నెల ఫిబ్రవరి 9న తన ప్రియుడు అర్జున్ భల్లాతో షనెల్ ఏడడుగులు వేశారు. వీరి వివాహ వేడుక రాజస్థాన్ జోధ్పుర్లో 15వ శతాబ్దం నాటి ఖిన్వ్సర్ రాజకోటలో ఘనంగా జరిగింది.
