India vs Zim : జాతీయ గీతం పాడుతుండగా ఇషాన్ కిషన్‌పై దాడి..వీడియో వైరల్ !

టీమిండియా యువ ఆటగాడు ఇషన్ కిషన్ పై తేనెటీగలు దాడి చేశాయి. హరారే వేదికగా భారత్-జింబాబ్వే మధ్య జరుగుతున్న తొలి వన్డే సందర్భంగా ఈ ఘటన చోటు చేసుకుంది. మ్యాచ్ ఆరంభానికి ముందు భారత జట్టు జాతీయ గీతం అలపిస్తుండగా కిషన్ పై తేనెటీగలు దాడి చేశాయి. దీంతో ఒక్కసారిగా కిషన్ ఉలిక్కిపడ్డాడు. అయితే అదృష్టవశాత్తు ఈ ఘటనలో అతడికి ఎటువంటి హాని జరగలేదు.

ఇక ఇందుకు సంబంధించిన వీడియో సోషల్ మీడియాలో వైరల్ గా మారింది. కాగా గత కొన్ని సిరీస్ ల నుంచి కేవలం బెంచ్ కె పరిమితం అవుతున్న కిషన్ కు ఈ మ్యాచ్ కు భారత తుది జట్టులో చోటు దక్కింది. కాగా ఇటీవల కాలంలో స్టేడియాల్లో ఆటగాళ్లపై తేనెటీగ దాడులు సర్వసాధారణం అయిపోయాయి. తాజాగా నెదర్లాండ్స్ తో జరిగిన తొలి వన్డేలో పాక్ బ్యాటర్ ఫకర్ జమన్ కూడా తేనెటీగల దాడికి గురయ్యాడు.