హైదరాబాద్ వేదికగా నేడు బీసీసీఐ అవార్డుల ప్రధానోత్సవ కార్యక్రమంలో నిర్వహించనుంది. ఈ క్రమంలో టీమిండియా మాజీ హెడ్ కోచ్ రవిశాస్త్రికి ‘లైఫ్ టైం అచీవ్మెంట్’ అవార్డు, యంగ్ క్రికెటర్ శుభమన్ గిల్ కు ‘క్రికెటర్ ఆఫ్ ది ఇయర్’ అవార్డును ప్రధానం చేయనున్నట్లు జాతీయ మీడియా పేర్కొంది.
రేపు సాయంత్రం 6 గంటలకు మొదలుకానున్న ఈ కార్యక్రమం జియో సినిమాలో ప్రసారం కానుంది. కాగా క్రికెట్ దిగ్గజం సచిన్ టెండూల్కర్ కుమార్తె సారా టెండూల్కర్ యంగ్ బ్యాటర్ శుభ్మన్ గిల్ ప్రేమలో ఉన్నట్లు గతంలో కొన్ని వార్తలు వచ్చిన విషయం తెలిసిందే. ఈ జంట సోషల్ మీడియాలో లవ్లీ పోస్టులు చేయడం, ఒకరి పోస్టులకు మరొకరు హార్ట్, లవ్ సింబల్స్తో రియాక్ట్ అవ్వడం చూసి నెటిజన్లు ఈ జంట మధ్యలో ఏదో నడుస్తుందని పుకార్లు పుట్టించారు. ఇక గిల్ ఆడే మ్యాచులకు సారా రావడం, అతడు మంచి స్కోరు చేసినప్పుడు ఆమె ఆనందం వ్యక్తం చేయడంతో ఇది నిజమేనని నెటిజన్లు ఫిక్స అయ్యారు.
