ఆసియా కప్ 2022 లో పాకిస్థాన్తో జరిగిన మ్యాచ్లో శ్రీలంక ఘనవిజయం సాధించింది. 5 వికెట్ల తేడాతో శ్రీలంక గెలుపును సొంతం చేసుకుంది. ఈ ఉత్సాహంతో ఆదివారం జరగబోయే ఫైనల్లో కూడా విజయం సాధించాలని లంక జట్టు ఆత్రుతగా ఉంది.
121 పరుగుల లక్ష్యంతో బరిలో దిగిన శ్రీలంక.. మూడు ఓవర్లు మిగిలుండగానే మ్యాచ్ను ముగించింది. పాతుమ్ నిస్సాంక 48 బంతుల్లో 55 పరుగులు చేసి జట్టు విజయంలో కీలక పాత్ర పోషించాడు. అతడికి తోడు కెప్టెన్ దాసున్ శనక 16 బంతుల్లో 21 పరుగులు, భనుక రాజపక్స 19 బంతుల్లో 24 పరుగులు చేసి జట్టును విజయతీరాల వైపు నడిపించారు.
అంతకుముందు టాస్ గెలిచి బౌలింగ్ ఎంచుకున్న శ్రీలంక అద్భుత ప్రదర్శన చేసింది. 19.1 ఓవర్లకే పది వికెట్లు తీసి పాకిస్థాన్ జట్టును 121 పరుగులకే కట్టడి చేసింది. బాబర్ అజమ్ కెప్టెన్ ఇన్నింగ్స్ ఆడి 29 బంతుల్లో 30 పరుగులు చేశాడు. తర్వాత నవాజ్ 18 బంతుల్లో 26 పరుగులతో రాణించాడు. మిగతా ప్లేయర్లంతా పేలవ ప్రదర్శన చేశారు.
