టీమ్ఇండియా క్రికెటర్ శిఖర్ ధావన్ బాలీవుడ్లోకి ఎంట్రీ ఇస్తున్నాడు. స్టార్ హీరోయిన్స్ సోనాక్షి సిన్హా, హ్యూమా ఖురేషీ ప్రధాన పాత్రల్లో నటించిన డబుల్ ఎక్స్ఎల్లో అతిథి పాత్రలో నటించాడు. మరి ధావన్ కన్నా ముందే సినిమాల్లో నటించిన భారత క్రికెటర్లు ఎవరో ఓ లుక్కేద్దాం.
ఇటీవల విడుదలైన విక్రమ్ కోబ్రాలో భారత మాజీ ఫాస్ట్ బౌలర్ ఇర్ఫాన్ పఠాన్ నటించారు. ముజ్సే షాదీ కరోగీలో అతిథి పాత్రలో కనిపించారు. భారత్కు తొలి వన్డే ప్రపంచకప్ను అందించిన కపిల్ దేవ్ పలు సినిమాల్లో కనిపించారు. ఇక్బాల్, ముజ్సే షాదీ కరోగీ, చెయిన్ కులీకి మే కులీ చిత్రాల్లో చిన్న పాత్రలో నటించారు.
సునీల్ గావస్కర్ క్రికెటర్గా తన కెరీర్ ముగిసిన తర్వాత పలు సినిమాల్లో చిన్న పాత్రల్లో కనిపించారు. మరాఠీ చిత్రం సావ్లీ ప్రేమాచి చిత్రంలో ప్రధాన పాత్ర పోషించడం విశేషం. భారత మాజీ స్పిన్నర్ హర్భజన్ సింగ్ విక్టరీ, ముజ్సే షాదీ కరోగీ, ఫ్రెండ్షిప్, డిక్కిలోనాతో పాటు మరో రెండు సినిమాల్లో నటించారు.
భారత మాజీ బ్యాటర్ వినోద్ కాంబ్లీ 1991 నుంచి 2001 వరకు భారక క్రికెట్కు ప్రాతినిధ్యం వహించారు. కొన్ని కారణాల వల్ల అర్ధాంతరంగా క్రికెట్కు దూరమైన కాంబ్లీ 2002లో విడుదలైన అనర్థ్ చిత్రంలో నటించి ఆకట్టుకున్నారు. వెటరన్ ఆల్ రౌండర్ యువరాజ్ సింగ్ తన 11ఏళ్ల వయసులో ఓ పంజాబీ సినిమాలో కనిపించాడు. యువరాజ్ తండ్రి యోగరాజ్ సింగ్ అనేక పంజాబీ, హిందీ చిత్రాలకు పనిచేశారు. యువరాజ్ సింగ్ భార్య హాజెల్ కీచ్ కూడా నటి కావడం విశేషం.
టీమ్ఇండియా దిగ్గజ స్పిన్నర్ అనిల్ కుంబ్లే కూడా ఒక హిందీ చిత్రంలో కనిపించారు. అనుపమ్ ఖేర్, మందిరా బేడీ నటించిన మీరాబాయి నాటౌట్‌ చిత్రంలో కనిపించారు. ఈ సినిమా 2008లో విడుదలైంది. భారత మాజీ ఆటగాడు నవజ్యోత్ సింగ్ పలు టీవీ షోల్లో పాల్గొంటూనే ముజ్సే షాదీ కరోగీ, విక్రటీ, మేరా హింద్ వంటి చిత్రాల్లో అతిథి పాత్రల్లో కనిపించారు.
టీమ్ఇండియాకు 1992-2000 మధ్య సేవలందించిన అజయ్ జడేజా 2003లో ఖేల్ చిత్రంలో నటించారు. భారత మాజీ ఫాస్ట్ బౌలర్ శ్రీశాంత్ అక్సర్-2, క్యాబరెట్, టీమ్ 5 సహా పలు చిత్రాల్లో నటించారు. భారత దిగ్గజ క్రికెటర్లలో ఒకరైన, మాజీ కోచ్ సందీప్ పాటిల్ హిందీ చిత్రాలలో మెరిశారు. కభీ అజ్ఞాతవాసి సహా పలు చిత్రాల్లో కనువిందు చేశారు. త్వరలోనే గంగూలీ బయోపిక్ తెరకెక్కనుంది. ఈ చిత్రంలో దాదా కూడా కనిపించే అవకాశాలు ఉన్నాయి.
