మోడీ వంద రోజుల పాలన ప్రోగ్రెస్ రిపోర్ట్ ప్రజల ముందు పెట్టాము. ఇప్పుడు తెలంగాణ లో కాంగ్రెస్ ప్రభుత్వం ఏమీ చేసిందో చెప్పాలి అని ప్రశ్నించారు కరీంనగర్ ఎంపీ, కేంద్ర మంత్రి బండి సంజయ్. ఇప్పటివరకు ఈ ప్రభుత్వం రుణమాఫీ చేయలేదు. ఈ విషయం పై మేము చర్చకు సిద్దం అని పేర్కొన్నారు. ఇది రైతు ద్రోహి ప్రభుత్వం. 6 గ్యారంటీ లలో ఏ ఒక్కదాన్ని కూడా అమలు చేయలేదు అన్నారు బండి సంజయ్.
అలాగే 2 లక్షల ఉద్యోగాలు ఇస్తామన్నారు. కానీ ఈ ప్రభుత్వం ఒక్క నోటిఫికేషన్ ఇవ్వలేదు. కేంద్రం అన్ని విషయాల్లో సహకరించేందుకు సిద్ధంగా ఉన్నా కాంగ్రెస్ ప్రభుత్వం రాజకీయాలు చేయాలని అనుకుంటుంది. అబద్ధాలు చెప్పడం తప్ప ఈ ప్రభుత్వం చేసిందేమీ లేదు. ఉమ్మడి ఆంధ్రప్రదేశ్ లో కాంగ్రెస్ 50 ఏళ్లు పాలించింది… అప్పుడు ప్రజా పాలన జరగలేదా.. కాంగ్రెస్ పార్టీకి సర్దార్ పటేల్ కన్నా నిజాం పైన, రజాకార్ల పైన MIM పైన ఎక్కువ ప్రేమ అని అన్నారు బండి.
