నేడు జోగులాంబ గద్వాల్ జిల్లాలో పర్యటిస్తున్నారు సీఎం కేసీఆర్. ఈ పర్యటనలో భాగంగా గద్వాల సమీకృత కలెక్టరేట్ నీ ప్రారంభించారు. అనంతరం కార్యాలయంలో జరిగిన పూజా కార్యక్రమాలలో పాల్గొన్నారు. ఆ తర్వాత చాంబర్ లో కలెక్టర్ పల్లూరి క్రాంతిని కూర్చోబెట్టిన సీఎం కేసీఆర్.. పుష్పగుచ్చం అందించి శుభాకాంక్షలు తెలియజేశారు. కాగా రూ. 51,18 కోట్లతో మూడు అంతస్తులలో నిర్మించిన ఈ భవనంలో 36 జిల్లా స్థాయి కార్యాలయాలను ఏర్పాటు చేశారు.
అనంతరం ఎస్పీ కార్యాలయం, భారత రాష్ట్ర సమితి పార్టీ ఆఫీసుని ప్రారంభించనున్నారు సీఎం కేసీఆర్. ఆ తర్వాత గద్వాలలోని అయిజా రోడ్డులో ఏర్పాటు చేసిన బహిరంగ సభలో పాల్గొని కేసీఆర్ ప్రసంగించనున్నారు. సీఎం కేసీఆర్ పర్యటన నేపథ్యంలో గద్వాల్ పట్టణం మొత్తం గులాబీమయంగా మారింది. పట్టణంలోని ప్రధాన రహదారులన్నీ బిఆర్ఎస్ నాయకుల ఫ్లెక్సీలు, బ్యానర్లతో నిండిపోయాయి.
