సీఎం కేసీఆర్ సిద్దిపేట జిల్లాకు పయనం కానున్నారు. నేడు సిద్ధిపేట జిల్లా కొనాయిపల్లి వెంకటేశ్వర స్వామిని దర్శించుకోనున్నారు తెలంగాణ సీఎం కేసీఆర్. ఈ సందర్భంగా నామినేషన్ పత్రాలు స్వామి వారి ముందు ఉంచి ప్రత్యేక పూజలు చేయనున్నారు సీఎం కేసీఆర్, మంత్రి హరీష్ రావు. అక్కడే నామినేషన్ పత్రాలపై సంతకాలు చేస్తారు సీఎం కేసీఆర్. ఇక ఈ నెల 9న గజ్వేల్, కామారెడ్డి లలో నామినేషన్ వేయనున్నారు సీఎం కేసీఆర్.
38 ఏళ్లుగా కొనాయిపల్లి వెంకన్న ఆలయంలో పూజలు చేస్తున్నారు సీఎం కేసీఆర్. సీఎం కేసీఆర్ పర్యటన నేపథ్యంలో భారీ భద్రత ఏర్పాటు చేశారు పోలీసులు. ఇది ఇలా ఉండగా… భైంసా ప్రజా ఆశీర్వాద సభలో కీలక వ్యాఖ్యలు చేశారు సీఎం కేసీఆర్. గోదావరి నదికి తెలంగాణలో పుస్కరాలు లేవు. తెలంగాణ ఉద్యమం సమయంలో తాను కొట్లాడితే.. తెలంగాణలో గోదావరి పుష్కరాలు వచ్చాయని తెలిపారు సీఎం కేసీఆర్. తెలంగాణ తెచ్చిన నాయకుడిగా నా మాట నమ్మండి. ఓటును సరైన పార్టీకి వేస్తే భవిష్యత్ సరైన పద్దతిలో ఉంటుంది. అనవసరంగా ప్రతిపక్షాల మాయలో ఓటర్లు పడొద్దన్నారు.
