అది సిలిండర్ బ్లాస్ట్ కాదంటూ…జూబ్లీహిల్స్‌లో పేలుడుపై ఖైరతాబాద్‌ ఎమ్మెల్యే దానం నాగేందర్ సంచలన వ్యాఖ్యలు చేశారు. సిలిండర్ బ్లాస్ట్ అయితే కాదనిపిస్తోంది.. మంటలు చెలరేగలేదని తెలిపారు ఖైరతాబాద్‌ ఎమ్మెల్యే దానం నాగేందర్. జూబ్లీహిల్స్‌లో భారీ పేలుడు సంభవించింది. తెలంగాణ స్పైసీ కిచెన్‌ రెస్టారెంట్‌లో ఫ్రిజ్‌ కంప్రెసర్‌..పేలింది. ఈ ఘటనలో ప్రహరీ గోడ ధ్వంసం అయింది. రాళ్లు ఎగిరిపడి పక్కనే ఉన్న బస్తీలోని బాలికకు స్వల్ప గాయాలు అయ్యాయి. భారీ శబ్దానికి భయభ్రాంతులకు స్థానికులు గురయ్యారు.
ఈ సందర్భంగా బాధిత కుటుంబాలకు పరామర్శించారు ఎమ్మెల్యే దానం నాగేందర్. పేలుడు తీవ్రత చాలా ఎక్కువగా ఉందని… బాంబ్ స్క్వాడ్, క్లూస్ టీమ్స్ అన్వేషిస్తున్నాయని తెలిపారు దానం నాగేందర్. సిలిండర్ బ్లాస్ట్ అయితే కాదనిపిస్తోంది.. మంటలు చెలరేగలేదని వెల్లడించారు దానం నాగేందర్. 6 ఇళ్ళు ధ్వంసం అయ్యాయని తెలిసింది.. వాళ్లకు తిరిగి ఇళ్ళు నిర్మించి ఇస్తామని ప్రకటించారు. ప్రభుత్వ పరంగా ఆదుకుంటామని భరోసా కల్పించారు దానం నాగేందర్.
