అతి త్వరలోనే అర్హులైన వారికి కొత్త పెన్షన్ లు మంజూరు చేస్తామని మంత్రి హరీష్ రావు అన్నారు. రూ.15 కోట్లతో 18 కిమీ మేర ఈ గ్రామం మీదుగా డబుల్ లైన్ రోడ్ పనులకు శంఖు స్థాపన చేశామని.. మండే ఎండ కాలంలో కూడా కాళేశ్వరం నీళ్లతో చెరువులు మత్తల్లు దుంకుతున్నాయన్నారు. కాంగ్రెస్ హయాంలో రైతులు ఒక మడి ఎండకుండ పంట పండించలేదు, గతంలో కలిపోయే మోటార్లు , పెలి ట్రాన్స్ ఫార్మర్ లు ఉండేవన్నారు.
బిజెపి , కాంగ్రెస్ నాయకులకు కండ్లు ఉండి చూడలేని కబోధిలు అయ్యారు, మహారాష్ట్ర రైతులు తెలంగాణ బార్డర్ లో భూమి కోని అక్కడ బోరు వేసి ఆ బోరు ద్వారా నీళ్లను అక్కడ పొలానికి తీసుకెళుతున్నారని వెల్లడించారు. పెక్ వాట్సప్ యునివర్సిటీతో బీజేపీ అబద్ధాలు ప్రచారం చేస్తుందని.. స్వంత స్థలంలో ఇల్లు కట్టుకునే వారికి 3 లక్షలు ఇస్తామని ప్రకటన చేశారు. వడ్లు కొనమని మోడీ ప్రభుత్వం మొండికేస్తుంది, పంజాబ్ వడ్లు కోని తెలంగాణ వడ్లు ఎందుకు కొనది ? అని నిలదీశారు.
మద్దతు ధర వడ్లకు ఇచ్చి వడ్లు కొనకుండా బియ్యం కొంటామంటున్నారని.. కేంద్రం మెడలు వంచి వడ్లు కొనిపిస్తం ,తొందరపడి ఎవరు భూములు అమ్ముకోవద్దు భూముల ధరలకు రెక్కలు వస్తున్నాయన్నారు. వెయ్యి పడకల ఆసుపత్రి ఈ గ్రామ శివారులో రాబోతుంది ,వంద కోట్లతో పామాయిల్ ఫాక్టరీ నిర్మిస్తున్నాం, అందరూ పామాయిల్ పంటలు వేయాలని పిలుపు నిచ్చారు. త్వరలో అభయ హస్తం డబ్బులను మిత్తితో సహా చెల్లిస్తామని ప్రకటన చేశారు.
