తెలంగాణకు చెందిన 13 మంది పోలీసు అధికారులను హోం శాఖ మంత్రి స్పెషల్ ఆపరేషన్ మెడల్కు ఎంపిక చేసినట్లు కేంద్ర హోం మంత్రిత్వ శాఖ ప్రకటించింది. ఎంపికైన వారిలో ఇంటెలిజెన్స్ అదనపు డీజీ అనిల్ కుమార్తో పాటు డీఎస్పీ కె.రవీందర్ రెడ్డి, ఇన్స్పెక్టర్ ఎం.వెంకటేశ్వర్లు గౌడ్, నలుగురు ఎస్సైలు, ఇద్దరు హెడ్ కానిస్టేబుళ్లు, నలుగురు కానిస్టేబుళ్లు ఉన్నట్లు తెలిపింది.
ప్రతి సంవత్సరం సర్దార్ వల్లబయ్ పటేల్ జయంతిని పురష్కరించుకొని జాతీయ ఐక్యతా దినోత్సవం అయిన అక్టోబర్ 31న ఈ అవార్డులను ప్రకటిస్తోంది కేంద్ర సర్కార్. గత నాలుగేళ్లుగా తీవ్రవాదం, సరిహద్దు రక్షణ, సరిహద్దు రక్షణ, ఆయుధాల నియంత్రణ, మాదక ద్రవ్యాల నిర్మూలనకు కృషి చేసిన పోలీసులకు కేంద్ర హోంమంత్రిత్వ శాఖ ఈ అవార్డులను ఇస్తోంది. ఈ క్రమంలోనే రాష్ట్రానికి చెందిన 13 మంది అధికారులను ఎంపిక చేసింది.
కేంద్ర హోం శాఖ మంత్రి స్పెషల్ ఆపరేషన్ మెడల్కు ఎంపికై పోలీసు అధికారులను రాష్ట్ర ముఖ్యమంత్రి కేసీఆర్ అభినందనలు తెలిపారు. తమ కర్తవ్యాన్ని సక్రమంగా నిర్వహిస్తూ రాష్ట్ర శాంతిభద్రతలకు కృషి చేస్తున్నందుకు కృతజ్ఞతలు తెలియజేశారు.
