తెలంగాణ రాష్ట్రం కోసం నేనూ లాఠీ దెబ్బలు తిన్నానని సీఎం కేసీఆర్ పేర్కొన్నారు. కాసేటి క్రితమే..తెలంగాణ రాష్ట్ర అసెంబ్లీ సమావేశాలు ప్రారంభం అయ్యాయి. ఈ సందర్భంగా సీఎం కేసీఆర్ మాట్లాడుతూ.. తెలంగాణ ఏర్పాటు చరిత్రలో ఒక ప్రత్యేక ఘట్టమని చెప్పారు. తెలంగాణ తొలిదశలో ఉద్యమంలో నేనూ కూడా లాఠీదెబ్బలు తిన్నా.. వివక్ష, అన్యాయంతో తెలంగాణ నలిగిపోయిందని అసెంబ్లీలో సీఎం కేసీఆర్ పేర్కొన్నారు.
తెలంగాణలో వేరే పార్టీలకు రాజకీయాలంటే ఓ గేమ్.. కానీ టీఆర్ఎస్ పార్టీకి రాజకీయాలంటే ఓ టాస్క్ అని సీఎం కేసీఆర్ పేర్కొన్నారు. తెలంగాణ రాష్ట్ర ఏర్పాటు కేవలం.. నీళ్లు, నిధులు, నియామకాల కోసం జరిగిందన్నారు. తెలంగాణ లో గతంలో లాగా.. ఇప్పుడు కరెంట్‌ కోతలు లేవన్నారు. ప్రతి రూపాయి.. తెలంగాణ అభివృద్ధికే పెడుతున్నామని చెప్పారు సీఎం కేసీఆర్. నిధులు, నీళ్లు అన్ని సెట్‌ చేసుకున్నామని.. కానీ నియామకాల విషయం లో ఏపీ దారుణం గా వ్యవహరిస్తుందని ఫైర్‌ అయ్యారు.
