ముఖ్యమంత్రి రేవంత్ రెడ్డికి టీ షర్టును బహుమతి ఇచ్చారు ఎన్ఏండీసీ హైదరాబాద్ మారథాన్. అయితే.. ముఖ్యమంత్రి రేవంత్ రెడ్డికి ఇచ్చిన టీ షర్టు రంగుపైన ఇప్పుడు వివాదంగా మారింది. హైదరాబాద్ మారథాన్-24లో అవార్డుల ప్రధానోత్సవ కార్యక్రమంలో పాల్గొన్నారు సీఎం రేవంత్. ఈ సందర్భంగా సీఎం రేవంత్ రెడ్డి మాట్లాడుతూ…క్రీడల్లో ఆదర్శంగా నిలబడాల్సిన హైదరాబాద్ గత ప్రభుత్వ నిర్లక్ష్యం కారణంగా ఆ స్థాయికి చేరుకోలేకపోయిందని తెలిపారు.
క్రీడలను ప్రోత్సహించేందుకు మా ప్రభుత్వం ఒక్కో అడుగు ముందుకు వేస్తోందని… తెలంగాణ యువతను క్రీడలవైపు మళ్లించేందుకు ప్రయత్నం చేస్తున్నామన్నారు. క్రీడలకు పూర్వ వైభవం తీసుకొస్తామని ఈ వేదికగా మాట ఇస్తున్నా..గచ్చిబౌలిని స్పోర్ట్స్ విలేజ్ గా తీర్చిదిద్దుతామని తెలిపారు ముఖ్యమంత్రి రేవంత్ రెడ్డి. అంతర్జాతీయ స్ధాయి కోచ్ లను తీసుకొచ్చి క్రీడలకు శిక్షణ అందిస్తామని ప్రకటించారు. ఒలింపిక్స్ ను హైదరాబాద్ లో నిర్వహించేలా అంతర్జాతీయ ప్రమాణాలతో మన స్టేడియంలను తీర్చిదిద్దుతామని కేంద్ర మంత్రికి తెలిపామన్నారు.
