కరోనా వైర‌స్ కార‌ణంగా గ‌త రెండున్నర నెల‌లుగా సినీ ఇండ‌స్ట్రీలో, టీవీ రంగంలో ఎలాంటి షూటింగ్ లు జ‌ర‌గ‌లేదు. అయితే లాక్ డౌన్ సడలింపుల నేపధ్యంలో ఈ మధ్యనే షూటింగ్ లు ప్రారంభమయ్యాయి. దీంతో తెలుగు సినిమా పరిశ్రమలో కరోనా కలకలం మొదలైంది. ఇటీవలే ఓ తెలుగు సీరియల్ నటుడు ప్రభాకర్ కు కరోనా పాజిటివ్ అని తేలడంతో ఆ షూటింగ్ నిలిచిపోయింది.
యూనిట్ సభ్యులను క్వారంటైన్ కు పంపాల్సిన పరిస్థితి ఏర్పడింది. తాజాగా హరికృష్ణ అనే మరో తెలుగు సీరియల్ నటుడికి కూడా కరోనా నిర్ధారణ అయింది. దీంతో ఆయన ప్రస్తుతం నటిస్తున్న గృహలక్ష్మీ సీరియల్ షూటింగ్ ను రద్దు చేసారు. అయితే కరోనా సోకిన ప్రభాకర్‌తో హరికృష్ణ సన్నిహితంగా ఉన్నారని సమాచారం. ఇక హరికృష్ణకు పాజిటివ్ రావడంతో టీవీ కార్మికులు ఆందోళన వ్యక్తం చేస్తున్నారు.
