తనకు దక్కాల్సిన ఆస్తిని మేనత్తలకు రాసి ఇచ్చిందని సొంత నానమ్మ ని పెట్రోల్ పోసి తగలబెట్టాడు ఓ బాలుడు. ఈ దారుణ సంఘటన రంగారెడ్డి జిల్లా శంకర్ పల్లి మండలంలో చోటుచేసుకుంది. ఈ సంఘటనకు సంబంధించి పూర్తి వివరాలు చూస్తే… ఎలవర్తి గ్రామానికి చెందిన ఓ బాలుడు తన నానమ్మ కంసమ్మ తన ఆస్తి లో కొంత భాగాన్ని ఆమె కూతుర్ల పేరిట రిజిస్టర్ చేసింది. ఇక అప్పటినుండి సదరు బాలుడు తన నానమ్మ పై పగ పెంచుకున్నాడు. తాను అనుభవించాల్సిన ఆస్తిని తన మేనత్త లకు పంచడంతో ఆ బాలుడు పగ పెంచుకున్నాడు.
ఈ నేపథ్యంలో నేడు మధ్యాహ్నం ఇంట్లోనే ఉన్న నానమ్మ పై పెట్రోల్ పోసి తగలబెట్టాడు. దీనితో తీవ్రంగా గాయాలైన ఆవిడ అక్కడికక్కడే మరణించింది. ఈ విషయాన్ని స్థానికులు పోలీసులకు సమాచారం ఇవ్వడంతో పోలీసులు సంఘటన స్థలానికి చేరుకొని మృతదేహాన్ని ప్రభుత్వ ఆసుపత్రికి పోస్టుమార్టం నిమిత్తం తరలించారు. ఈ సంఘటనకు సంబంధించి పోలీసులు విచారణ లో నానమ్మను చంపిన మనవడు అక్కడి నుండి పారిపోయాడని తేలింది. దీనితో పోలీసులు కేసు నమోదు చేసుకుని దర్యాప్తు చేపడుతున్నారు. అలాగే పరారీలో ఉన్న సదరు బాలుడిని పోలీసులు గాలిస్తున్నారు.
