దేశ వ్యాప్తంగా సూపర్ హిట్ అయిన ‘ ది కాశ్మీర్ ఫైల్స్’ ఇక ఓటీటీలో సందడి చేయబోతోంది. తక్కువ బడ్జెట్ తో నిర్మించిన ఈ సినిమా దేశవ్యాప్తంగా రూ.300 కోట్లకు పైగా వసూళ్లు సాధించింది. 1990లో కాశ్మీర్ లో జరిగిన పండిట్ల ఊచకోత ప్రధానాంశంగా రూపొందిన ‘ ది కాశ్మీర్ ఫైల్స్’ ప్రధాని మోదీ ప్రశంసలు కూడా పొందింది. గుజరాత్, మధ్యప్రదేశ్, అస్సాం వంటి బీజేపీ పాలిత రాష్ట్రాలు సినిమాకు టాక్స్ ఫ్రీ ప్రకటించాయి. సినిమా ఎంత హిట్ అయిందో… అంతే స్థాయిలో వివాదాలు చుట్టుముట్టాయి. బీజేపేతర పార్టీలు ఈ సినిమాను వ్యతిరేఖించారు. 
వివేక్ అగ్నిహోత్రి రూపొందించిన ‘ ది కాశ్మీర్ ఫైల్స్’ త్వరలోనే జీ 5 ఓటీటీలోకి రానుంది. ఓటీటీ రిలీజ్ డేట్ త్వరలోనే ప్రకటిస్తామని మూవీ టీం వెల్లడించింది. హిందీలో సూపర్ సక్సెస్ అయిన ఈ సినిమా ప్రస్తుతం ఓటీటీలో హిందీతో పాటు తమిళం, తెలుగు, కన్నడ భాషల్లో కూడా అందుబాటులోకి రానుంది. మిథున్ చక్రవర్తి, అనుపమ్ ఖేర్, దర్శన్ కుమార్, పల్లవి జోషి, భాషా సుంబ్లీ మరియు చిన్మయ్ మాండ్లేకర్ కాశ్మీర్ ఫైల్స్ లో నటించారు.
