ఇల్లు.. చెట్టు.. అవినాభావ సంబంధం. మన జీవితమంతా ప్రకృతి, పంచభూతాత్మికం. మనకు అనేక చెట్లు ఉపయోగపడుతాయి. అయితే వాటిలో కొన్ని ఇంట్లో ఉండవచ్చు. కొన్ని మాత్రం దూరంగా ఉండాలి. అవి చెడ్డవికావు, కానీ ఇంట్లో మాత్రం పనికిరావు. ఏయే చెట్లు మన ఇంట్లో ఉండకూడదో తెలుసుకుందాం…
దుష్ట ప్రభావం కలిగించే చెట్లు ఉంటే ఇంట్లో సమస్యలు వస్తాయి. ఇంట్లో.. పాలు కారే చెట్లు, ముళ్ళు ఉన్న చెట్లు ఉండ కూడదు. రేగి జాతి చెట్లు, తుమ్మచెట్లను ఇంటి ఆవరణలో పెంచకూడదు. ఎందుకంటే ఇవి ఇంట్లో ప్రతికూల ప్రభావాన్ని పెంచుతాయి. ఫలితంగా చేసే పనిలో ఏకాగ్రత లోపిస్తుంది. అంతే కాకుండా కుటుంబ సభ్యుల మధ్య అసమ్మతిని పెంచుతాయి. ఇంటికి తూర్పు దిశలో ఎత్తైన చెట్లు ఉండకూడదు. ఇక అశుభాలను కలిగించే చెట్లు ఇంటి చుట్టు పక్కల సగం కాలిన వస్తువులు, సగం ఎండిన వస్తువులు, పొడవాటి వృక్షాలు ఉండకూడదు. వీటి వల్ల ఇంట్లో సుఖ – సంతోషాలకు అవరోధాలుగా ఉంటాయి.
కుటుంబంలో పిలల్ల సంతోషం వారి విజయంపై కూడా ప్రభావం చూపుతుంది. మానసిక అనారోగ్యం కూడా కలుగుతుంది. ఇక దుష్టశక్తులను ప్రేరేపించే చెట్లు పరిశీలిస్తే.. చింత, మర్రిలాంటి చెట్లను ఇంటి పరిసర ప్రాంతాల్లో ఎప్పుడూ నాటకూడదు. ఎందుకంటే వీటిపై దుష్టశక్తులు నివసిస్తాయని నమ్ముతారు.
వీటివెనుక అనేక కారణాలు ఉన్నాయి. పెద్దపెద్ద వృక్షాలను మన ఇండ్లలో పెంచుకుంటే వాటి వేర్లు ఇంట్లోకి పోయి గోడలు, పునాదులు కదులుతాయి. అంతేకాకుండా అనేక ఇబ్బందులు వస్తాయి. కాబట్టి మన పూర్వీకులు వాటిని పొలాలలు, ఖాళీ ప్రదేశాలు, ఊరికి దూరంగా నాటేవారు.
– శ్రీ
