జూనియర్ ఎన్టీఆర్, రామ్ చరణ్ హీరోలుగా రాజమౌళి దర్శకత్వంలో వస్తున్న చిత్రం ఆర్ఆర్ఆర్. రౌద్రం రణం రుధిరం అనే టైటిల్ తో వస్తున్న ఈ సినిమా వచ్చే ఏడాది సంక్రాంతి కానుకగా ప్రేక్షకుల ముందుకి రానుంది. కరోనా కారణంగా ఈ సినిమా షూటింగ్ వాయిదా పడింది. కరోనా ప్రభావం తగ్గిన తర్వాత సినిమా షూటింగ్ లో మిగిలిన 20 శాతం షూటింగ్ ని పూర్తి చేయనుంది చిత్ర యూనిట్.
ఈ లోపు ఈ సినిమా ఎడిటింగ్, డబ్బింగ్ పనులను పూర్తి చేస్తున్నారు. ఈ సినిమా తర్వాత జూనియర్ ఎన్టీఆర్ మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఒక సినిమా చేస్తాడు. ఈ సినిమాలో ఎన్టీఆర్ పాత్రకు సంబంధించి త్రివిక్రమ్ గట్టిగా వర్కౌట్ చేస్తున్నాడు. సినిమాలో ఎన్టీఆర్ ని వ్యాపారవేత్తగా చూపించే అవకాసం ఉందని అంటున్నారు. వ్యాపారం తో పాటుగా రాజకీయాల్లో కూడా అతను కనపడతాడు అని సమాచారం.
ఈ సినిమా కోసం ఎన్టీఆర్ బరువు తగ్గే అవకాశాలు ఉన్నాయి. ఇప్పుడు ఆర్ఆర్ఆర్ షూటింగ్ జరిగి ఉంటే వచ్చే నెల తో ఎన్టీఆర్ పార్ట్ షూటింగ్ పూర్తి అయి ఉండేది. ఈ సినిమా షూటింగ్ అవ్వగానే… త్రివిక్రమ్ షూటింగ్ లో పాల్గొనే అవకాశం ఉందని అంటున్నారు. ఇప్పటికే కథను పూర్తిగా సిద్దం చేసాడు త్రివిక్రమ్. హీరోయిన్ గా పూజ హెగ్డే ని తీసుకునే అవకాశం ఉంది.
