ఇందిరా గాంధీ నేషనల్ ఓపెన్ యూనివర్శిటీ (ఇగ్నో IGNOU) ఎన్నో రకాల కోర్సులని ఆఫర్ చేస్తోంది. అయితే తాజాగా రెండు మాస్టర్ డిగ్రీ ప్రోగ్రామ్స్ను మొదలు పెట్టింది ఇగ్నో. ఇక ఈ కోర్సులకి సంబంధించి పూర్తి వివరాలలోకి వెళితే..
కొత్తగా రెండు మాస్టర్ డిగ్రీ ప్రోగ్రామ్స్ ని స్టార్ట్ చేసారు. మాస్టర్ ఆఫ్ సైన్స్ ఇన్ ఇన్ఫర్మేషన్ సెక్యూరిటీ, మాస్టర్ ఆఫ్ ఆర్ట్స్ ఇన్ ఎంటర్‌ప్రెన్యూర్‌షిప్ వంటి రెండు కొత్త కోర్సుల కోసం దరఖాస్తులు చేస్తోంది. ఇక ఈ కోర్సుల వివరాలాలని చూసేస్తే.. మాస్టర్ ఆఫ్ సైన్స్ ఇన్ ఇన్ఫర్మేషన్ సెక్యూరిటీ ప్రోగ్రామ్ వలన విద్యార్ధులకి బెనిఫిట్ కలుగుతుంది.
ఈ ప్రోగ్రామ్ను స్కూల్ ఆఫ్ వొకేషనల్ ఎడ్యుకేషన్ అండ్ ట్రైనింగ్ నిర్వహిస్తోంది. గ్రాడ్యేయేట్లకు ఇన్ఫర్మేషన్ సెక్యూరిటీలో అత్యుత్తమ బోధన, పరిశోధన అందించే లక్ష్యంతో దీనిని తీసుకు రావడం జరిగింది.ఇది ఇంగ్లీష్లోనే ఉంటుంది.
దరఖాస్తు చేసుకోవాలనుకునే అభ్యర్థులు ఏదైనా గుర్తింపు పొందిన విశ్వవిద్యాలయం / ఇన్స్టిట్యూట్ నుండి బ్యాచిలర్ డిగ్రీ లేదా మరేదైనా సమాన అర్హత ఉండాలి. ఈ ప్రోగ్రామ్ మొత్తం ఫీజు రూ. 43,200. అంటే విద్యార్థులు ప్రతి సంవత్సరం రూ. 21,600 ఫీజు చెల్లించాల్సి ఉంటుంది.
ఇక మాస్టర్ ఆఫ్ ఆర్ట్స్ ఇన్ ఎంటర్‌ప్రెన్యూర్‌షిప్ ప్రోగ్రామ్ గురించి చూస్తే.. ఈ ప్రోగ్రామ్ను స్కూల్ ఆఫ్ వోకేషనల్ ఎడ్యుకేషన్ అండ్ ట్రైనింగ్ అందిస్తోంది. విద్యార్థులు తమ సొంత వ్యాపార సంస్థను నెలకొల్పేందుకు అవసరమైన స్కిల్స్ ని ఇది ఇస్తుంది.
ఈ కోర్సును కేవలం ఇంగ్లీష్లోనే అందిస్తున్నారు. సెల్ఫ్ ఇన్స్ట్రక్షనల్ ప్రింటెడ్ మెటీరియల్, ఆడియో వీడియో ప్రోగ్రామ్స్, ఫేస్ టు ఫేస్ కౌన్సెలింగ్ మొదలైనవి ఉంటాయి. బ్యాచిలర్ డిగ్రీ పూర్చి చేసిన వాళ్ళు అర్హులు. రెండేళ్ల ఈ ప్రోగ్రామ్ మొత్తానికి రూ. 15,000 ఫీజు చెల్లించాలి.
అంటే ప్రతి ఏటా రూ.7,500 ఫీజు చెల్లించాలి. ఆసక్తి, అర్హత గల అభ్యర్థులు www.ignouadmission.samarth.edu.in వెబ్సైట్ ద్వారా ఈ నెల 31లోపు దరఖాస్తు చేసుకోవాలి.
