కరోనా కారణంగా ప్రేక్షకులు థియేటర్లకి వస్తారా రారా అని అనుమానాలు ఎదురైన సందర్భంలో మంచి సినిమా పడితే సినిమాకి పూర్వ వైభవం తీసుకువస్తామని ప్రేక్షకుల చేత అనిపించిన సినిమా ఉప్పెన. మెగా మేనల్లుడు పంజా వైష్ణవ్ తేజ్ హీరోగా పరిచయమైన ఈ సినిమా బ్లాక్ బస్టర్ అనిపించుకుంది. అప్పటి వరకూ ఏ మొదటి సినిమా హీరోకి రానటువంటి కలెక్షన్లు ఉప్పెన సినిమాకి వచ్చాయి. బేబమ్మ, ఆసి పాత్రలు ఎప్పటికీ గుర్తుండిపోయేలా క్రితి శెట్టి, వైష్ణవ్ తేజ్, తమ నటనతో మెస్మరైజ్ చేసారు.
ఐతే ఈ సినిమా ప్రస్తుతం తమిళంలోకి రీమేక్ కి వెళ్ళనుందని వినిపిస్తుంది. తమిళంలోనూ స్టార్ హీరో కొడుకు హీరోగా ఉప్పెన సినిమా రీమేక్ తో పరిచయం అవబోతున్నాడని టాక్ వినిపిస్తుంది. ఆ స్టార్ హీరో ఎవరో కాదు. విజయ్. విజయ్ కొడుకు జేసన్ సంజయ్ ఉప్పెన సినిమాతో సినిమాల్లోకి రాబోతున్నాడట. ఈ మేరకు అధికారిక సమాచారం రానప్పటికీ చర్చలు మాత్రం జరుగుతున్నాయి. కథ పరంగా తమిళులు ఎక్కువగా ఇష్టపడే అంశాలున్న ఉప్పెనకి రెస్పాన్స్ బాగుండే అవకాశం ఉంది. మరి ఈ విషయమై అధికారిక సమాచారం ఎప్పుడు వస్తుందో చూడాలి.
