నందమూరి తారకరత్న మరణంతో టాలీవుడ్లో విషాదం నెలకొంది. సినీ, రాజకీయ ప్రముఖులు, అభిమానులు, టీడీపీ కార్యకర్తలు తారక్ మరణం పట్ల సంతాపం ప్రకటిస్తున్నారు. భారత మాజీ ఉపరాష్ట్రపతి వెంకయ్యనాయుడు తారకరత్న మృతి పట్ల సంతాపం వ్యక్తం చేశారు. వారి కుటుంబ సభ్యులకు ప్రగాఢ సానుభూతి తెలిపారు.
‘‘ప్రముఖ నటుడు శ్రీ నందమూరి తారకరత్న పరమపదించారని తెలిసి ఎంతో విచారించాను. ఆయన గుండెపోటుకు గురైన నాటి నుంచి ఎప్పటికప్పుడు తన ఆరోగ్యపరిస్థితి గురించి వాకబు చేస్తున్నాను. సంపూర్ణ ఆరోగ్యంతో మనందరి మధ్యకు తిరిగి వస్తారని భావించాను. ఇంతలోనే ఇలాంటి వార్త వినాల్సి రావడం విచారకరం. చిన్న వయసులో తారకరత్న పరమపదించటం వారి కుటుంబానికి తీరని లోటు. ఆయన ఆత్మకు శాంతి కలగాలని ప్రార్థిస్తూ వారి కుటుంబ సభ్యులకు, అభిమానులకు ప్రగాఢ సానుభూతి తెలియజేస్తున్నాను’’ -మాజీ ఉప రాష్ట్రపతి ఎం.వెంకయ్యనాయుడు
చిన్న వయసులో శ్రీ తారకరత్న పరమపదించటం వారి కుటుంబానికి తీరని లోటు. శ్రీ తారకరత్న ఆత్మకు శాంతి కలగాలని ప్రార్థిస్తూ వారి కుటుంబ సభ్యులకు, అభిమానులకు ప్రగాఢ సానుభూతి తెలియజేస్తున్నాను.
ఓం శాంతి. pic.twitter.com/U2F3ycXtVn— M Venkaiah Naidu (@MVenkaiahNaidu) February 19, 2023
మరోవైపు తారక్ మరణం పట్ల బీజేపీ రాష్ట్ర అధ్యక్షుడు బండి సంజయ్ సంతాపం ప్రకటించారు. ‘‘సినీనటుడు, తెదేపా నాయకుడు నందమూరి తారకరత్న మరణం బాధాకరం. ఆయన ఆత్మకు శాంతి కలిగించాలని భగవంతుడుని ప్రార్థిస్తున్నా. తారకరత్న కుటుంబ సభ్యులకు నా ప్రగాఢ సానుభూతి తెలియజేస్తున్నా’’ అని ట్వీట్ చేశారు.
తెలుగు సినిమా నటుడు నందమూరి తారకరత్న గారి అకాల మరణం పట్ల తీవ్ర విచారం వ్యక్తం చేస్తున్నాను. తన పవిత్ర ఆత్మకు శాంతి కలగాలని ఆ భగవంతున్ని ప్రార్ధిస్తూ, వారి కుటుంబ సభ్యులకు, అభిమానులకు నా ప్రగాఢ సానుభూతి తెలియజేస్తున్నాను.
ఓం శాంతి 🙏 pic.twitter.com/BXEIVTXwIM— Bandi Sanjay Kumar (@bandisanjay_bjp) February 18, 2023
