విజయ్ ఆంటోని అంటే ప్రయోగాలకు మారుపేరు. 2016లో తమిళంలో ‘పిచ్చైక్కరన్’ మూవీతో ప్రేక్షకుల ముందుకు వచ్చిన విజయ్.. ఊహించని విజయం అందుకున్నాడు. సినీ చరిత్రలో ఎవరూ చేయని సాహసంతో మెప్పించాడు. ఇదే మూవీని తెలుగులో ‘బిచ్చగాడు’ టైటిల్‌తో విడుదల చేశాడు. ఆ టైటిల్ చూసి మొదట్లో అంతా నోరెళ్లబెట్టారు. సినిమా చూసి వచ్చిన తర్వాత విజయ్‌ను మెచ్చుకోకుండా ఉండలేకపోయారు. ఇప్పుడు అదే మూవీకి సీక్వెల్ వస్తోంది. అదే ‘బిచ్చగాడు-2’.
ఈ సినిమా ఎప్పుడు విడుదలవుతుందా అనే కుతూహలాన్ని తెలుగు ప్రేక్షకులు వ్యక్తం చేస్తూ వస్తున్నారు. ఈ నేపథ్యంలో ఈ సినిమా రిలీజ్ డేట్ ను కొంతసేపటి క్రితం ప్రకటించారు. ఏప్రిల్ 14వ తేదీన ఈ సినిమాను విడుదల చేయన్నున్నట్టు చెబుతూ, అందుకు సంబంధించిన పోస్టర్ ను వదిలారు.
విజయ్ ఆంటోని దర్శకుడిగా వ్యవహరించిన ఈ సినిమాలో ఆయన సరసన నాయికగా కావ్య థాపర్ అలరించనుంది. ఇతర ముఖ్యమైన పాత్రలలో రితిక సింగ్ .. రాధా రవి .. మన్సూర్ అలీఖాన్ కనిపించనున్నారు. ఫస్టు పార్టు మాదిరిగానే సెకండ్ పార్టు సంచలనానికి తెరతీస్తుందేమో చూడాలి.
View this post on Instagram
