త్వరలోనే తెలంగాణలో బీజేపీ జెండా ఎగురవేయబోతున్నామని విజయశాంతి ప్రకటించారు. కేసీఆర్‌కి ఐదు రాష్ట్రాల ప్ర‌జ‌లు దిమ్మతిరిగేలా షాక్ ఇచ్చారని… దేశానికి పీఎం కావాల‌నుకుంటున్న కేసీఆర్ ఆశ‌ల‌కు ఈ ఫలితాలు గండి కొట్టాయని చురకలు అంటించారు రాములమ్మ. ఐదు రాష్ట్రాల్లో జ‌రిగిన ఎన్నికల్లో నాలుగు చోట్ల బీజేపీ కాషాయ జెండాను ఎగ‌రేసింది. దీంతో కేసీఆర్ ఫ్రంట్ ముందుకా, వెనక్కా అన్నట్లు త‌యారైంది. దేశంలో బీజేపీ, కాంగ్రెస్లకు ప్రత్యామ్నాయంగా ప్రాంతీయ పార్టీలతో ఫ్రంట్ ఏర్పాటు చేయాలనుకుంటున్న కేసీఆర్కు ఈ ఫలితాలు చాచి కొట్టినట్టైందన్నారు.
ఐదు రాష్ట్రాల్లో నాలుగు చోట్ల బీజేపీ, మరోచోట ఆప్ విజయం సాధించాయి. దీంతో ఫ్రంట్ స్పీడ్కు బ్రేకులు ప‌డ్డాయి. చాన్స్ దొరికితే నేషనల్ పాలిటిక్స్లో ఎంట్రీ ఇచ్చేందుకు రెడీగా ఉన్న కేసీఆర్… ఇటీవల ప్రధాని మోడీగారి పైనే రాజకీయ యుద్ధం ప్రకటించారని ఎద్దేవా చేశారు. తనే స్వయంగా ఇతర రాష్ట్రాల సీఎంలు, ప్రాంతీయ పార్టీల నేతల దగ్గరికి వెళ్లి ఫ్రంట్ ఏర్పాటుకు సహకారం కోరారు. ఇందులో భాగంగానే తమిళనాడు, మహారాష్ట్ర, జార్ఖండ్‌‌‌‌‌‌‌‌కు వెళ్లి అక్కడి సీఎంలను, ఇతర నేతలను కలిసి వచ్చారని వివరించారు. ఈ భేటీలకు ఆశించిన స్పందన రాకపోగా… ఐదు రాష్ట్రాల ఎన్నికల తర్వాత ప్రత్యామ్నాయ రాజకీయ వేదిక ఏర్పాటుకు చర్యలు ముమ్మరం చేయ‌ల‌ని క‌ల‌లు క‌న్నాడు. ఈ ఎన్నికల్లో బీజేపీ దెబ్బ తింటుందని, ఉత్తరప్రదేశ్‌లో సమాజ్వాదీ పార్టీ పుంజుకుంటుందనే ధీమాతో గులాబీ బాస్ ఉన్నాడు. కానీ ఫలితాలన్నీ బీజేపీకి అనుకూలంగా ఉండటం… పంజాబ్లో గెలిచిన ఆప్తో కూడా టీఆర్ఎస్కు సఖ్యత లేక‌పోవ‌డంతో కేసీఆర్ ఆశల మీద నీళ్ళు చల్లినట్టైందని విమర్శలు చేశారు.
