పవర్ స్టార్ పవన్ కళ్యాణ్ హీరోగా ఎస్. జే.సూర్య దర్శకత్వంలో వచ్చిన ఖుషి సినిమా ఏ స్థాయిలో విజయం సాధించిందో ప్రత్యేకంగా చెప్పాల్సిన అవసరం లేదు. ఈ సినిమా సక్సెస్ తోనే భూమికకు అప్పట్లో స్టార్ హీరోయిన్ స్టేటస్ కూడా దక్కింది. ముఖ్యంగా రొమాంటిక్ లవ్ స్టోరీ గా ఈ సినిమా యూత్ ను భారీ స్థాయిలో ఆకట్టుకుంది. ప్రస్తుతం ఈ సినిమాను థియేటర్లలో డిసెంబర్ 31వ తేదీన రీరిలీస్ చేయడానికి సన్నాహాలు చేస్తున్నారు. ఇదిలా ఉండగా ఈ సినిమా టికెట్లు దొరకడం ప్రస్తుతం ఉంటుందని కూడా సమాచారం.
ఎర్లీ మార్నింగ్ షోలకు బ్లాక్ లో ఈ సినిమా టికెట్ ధరలు ఏకంగా 1000 రూపాయల అటు ఇటుగా ఉన్నాయని రికార్డు స్థాయిలో భారీ స్క్రీన్ లలో రిలీజ్ అవుతున్న ఖుషి సినిమాకి టికెట్లు దొరకడం లేదు అంటే ఈ సినిమా ఎంత పాపులారిటీ సంపాదించుకున్నారో అర్థమవుతుంది. పవన్ కళ్యాణ్ నటనకు భారీ స్థాయిలో అభిమానులు ఉన్నారు. ఇకపోతే ప్రీమియర్ల టికెట్ల కోసం ఈ స్థాయిలో పోటీ ఉందని తెలుస్తోంది. ఖుషి సినిమాకి థియేటర్లలో పెద్దగా పోటీని ఇచ్చే సినిమాలేవి లేకపోవడంతో ఇప్పుడు ఈ సినిమాకు ప్లస్ అవుతుంది.
రవితేజ ధమాకా మూవీని చూసిన ప్రేక్షకులు ఇప్పుడు పవన్ కళ్యాణ్ ఖుషి సినిమా చూడడానికి తెగ ఆసక్తి చూపుతున్నారు. పవన్ కళ్యాణ్ రాబోయే రోజుల్లో మరిన్ని సినిమాలు రీ రిలీజ్ అయ్యే అవకాశం ఉందట. ఈ వయసులో కూడా పవన్ కళ్యాణ్ కి మాత్రం వయసు పెరుగుతున్న ఎక్కడా కూడా ఇసుమంతైన క్రేజ్ తగ్గకపోవడమే గమనార్హం.ఇప్పటికీ ఇంత క్రేజ్ తో దూసుకుపోతున్నారు అంటే నిజంగా గ్రేట్ అంటూ అభిమానులు సంతోషం వ్యక్తం చేస్తున్నారు.
