సోనీ కంపెనీ నుంచి మరో కొత్త ఆల్ఫా కెమెరా.. ధర ఎంతో తెలుసా…?

అందమైన దృశ్యాలను, మధురమైన క్షణాలను క్లిక్​ మనిపించాలంటే కావాల్సింది కెమెరా. ఇటీవలి కాలంలో ఫొటోషూట్లు, వీడియో ఎడిటింగ్​లపై యువత ఎక్కువగా దృష్టిపెడుతున్నారు. ఫలితంగా వీటి వినియోగం బాగా ఎక్కువైంది. వారిని ఆకట్టుకోడానికి సోనీ సంస్థ సరికొత్త కెమెరాను మార్కెట్లోకి తెస్తోంది. ఆ ఫీచర్లపై ఓ లుక్కేయండి..

కెమెరా.. సాంకేతిక వినియోగం పెరిగాక యువతను ఎక్కువగా ఆకట్టుకుంటున్న గ్యాడ్జెట్​లలో ఇదీ ఒకటి. చాలా మంది వీడియో ఎడిటింగ్​ను కెరీర్​గా ఎంచుకుంటున్నారు. యూట్యూబ్​ సహా పలు సోషల్​ మీడియా సైట్లలో తమ క్రియేటివిటీతో వీడియోలు చేయడానికి కెమెరా ఓ ఆయుధంగా మారింది. అలాంటి వారిని ఆకట్టుకోడానికి సోనీ మరో ఫుల్​ ఫ్రేమ్​ మిర్రర్​ లెస్​ కెమెరాను తీసుకొస్తోంది. న్యూ ఆల్ఫా 7ఎస్​-III పేరిట దీన్ని విడుదల చేయనుంది. ఇది ఫుల్​ ఫ్రేమ్​తో మిర్రర్​ లెస్​గా ఉండనుంది. అల్ట్రా హై సెన్సిటివిటీ, బియోన్జ్​ ఇమేజ్​ ప్రాసెసర్​ దీని ప్రత్యేకతలు. ఈ ఏడాది సెప్టెంబర్​ నుంచి మార్కెట్​లోకి అందుబాటులోకి రానుంది. ధర రూ.2,61,915.

బియోన్జ్​ ఎక్స్​ఆర్​ ఇమేజ్​ ప్రాసెసింగ్​ ఇంజిన్​ వల్ల ఎనిమిది రెట్ల వేగంతో ప్రాసెసింగ్​.12.1 మెగాపిక్సెల్​ సహా ఫుల్​ఫ్రేమ్​ ఎక్స్​మోర్​ ఆర్​ సీమాస్​ ఇమేజ్​ సెన్సార్​ దీని సొంతం.అల్ట్రా హై సెన్సిటివిటీతో పాటు ఐఎస్​ఓ రేంజ్​ 40 నుంచి 409,600కు పెంచుకొనే సౌలభ్యం.సినిమాల కోసం 15+ డైనమిక్​ రేంజ్ సదుపాయం.4కే 60 పిక్సెల్​ 16 బిట్ వీడియోను హెచ్​డీఎమ్​ఐలో ఔట్​పుట్​ తెచ్చుకోవచ్చు. ఆల్ఫా సిరీస్​లో తొలిసారి ఈ సదుపాయం కల్పిస్తోంది సోనీ.