కండోమ్ అవసరం లేకుండా గర్భం రాకుండా చేసే యాంటీ బాడీలు..

కరోనా కారణంగా యాంటీబాడీ అనే పదం తరచుగా వినిపిస్తూనే ఉంది. వ్యాక్సిన్ వల్ల యాంటీబాడీలు ఉత్పత్తి అవుతాయని దానివల్ల కరోనా వైరస్ నశిస్తుందని తెలిసిందే. అందువల్ల అందరూ కరోనా వ్యాక్సిన్ తీసుకోవాలని ప్రభుత్వం సూచించింది. ఐతే మరికొద్ది రోజుల్లో యాంటీబాడీల రూపంలో గర్భ నిరోధకాలు వచ్చేస్తున్నాయి. అవును, మీరు విన్నది నిజమే. యాంటీబాడీలు (ప్రతిరక్షకాలు) ఉపయోగించి గర్భం రాకుండా చేసే అవకాశం ఉందట. ఈ మేరకు గొర్రెలపై చేసిన పరిశోధన విజయవంతం అయ్యింది.

no condom use for anti pregnancy

ప్రతీ పురుష, స్త్రీల శరీరంలో స్ప్రెర్మ్ యాంటీబాడీలు ఉంటాయి. పురుషులలో ఉండే స్పెర్మ్ యాంటీబాడీలు, శరీరంలోని ఇతర భాగాలకు స్పెర్మ్ వెళ్ళకుండా చేస్తాయి. అలాగే స్త్రీ శరీరంలో ఉండే స్పెర్మ్ యాంటీబాడీలు పురుష స్పెర్మ్ పై యుద్ధాన్ని చేస్తాయి. ఆ యుద్ధంలో చాలా కణాలు చనిపోతాయి. ఆ యాంటీబాడీల కన్నా బలంగా ఉండే శుక్రకణాలు మాత్రమే అండాన్ని చేరతాయి. అప్పుడు స్త్రీ గర్భం దాలుస్తుంది. ఐతే శరీరంలో ఉండే ఈ యాంటీబాడీలు, గర్భ నిరోధకంగా పనిచేస్తాయనే ఆలోచనతో శాస్త్రవేత్తలు పరిశోధనలు సాగించారు.

ఈ విషయం సైన్ ట్రాన్స్ లేషన్ జర్నల్ లో ప్రచురించబడింది. దీనికోసం శాస్త్రవేత్తలు కొన్ని అదనపు యాంటీజెన్లను ఉపయోగించారు. వీటి ఆధారంగా స్పెర్మ్ తో పోరాడే యాంటీబాడీల సామర్థ్యం 10రెట్లు పెరుగుతుంది. గొర్రెల్లో ఈ ప్రతిరక్షకాలను శాస్త్రవేత్తలు పరీక్షించారు. వాటిల్లో 99.9శాతం ఈ యాంటీబాడీలు ప్రభావితం చేసాయి. ప్రస్తుతం ఈ పరిశోధన ఇంకా ప్రయోగాత్మక దశలోనే ఉందని, వందశాతం విజయవంతం అయ్యే హామీ ఇప్పుడే ఇవ్వలేమని, కాకపోతే ఈ సాంకేతికత భవిష్యత్తులో చాలా ఉపయోగపడే అవకాశం ఉందని అన్నారు.

ఈ సాంకేతికత చాలా సురక్షితం. ఎందుకంటే ఈ ప్రక్రియలో బయట నుండి ఎలాంటి పదార్థాలను వాడట్లేదు. కేవలం ప్రతిరక్షకాల సామర్థ్యాన్ని మరింత మెరుగుపరుస్తున్నాము. అదీగాక ఈ ప్రతిరక్షకాలు శరీరంలో ఆల్రెడీ ఉన్నాయి. కాకపోతే మానవులపై ఇది ప్రయోగించలేదు.

గర్భధారణ సమయంలో మహిళలు తీసుకునే ఆహరాలు గర్భనిరోధకంగా పనిచేసే అవకాశం ఉంది. కాకపోతే అవి కొంచెం ఇబ్బంది పెడుతుంటాయి. వాంతులు, జ్వరం, మూడ్ మారిపోవడం జరుగుతుంది. కాబట్టి ఈ ప్రతిరక్షకాల సామర్థ్యాన్ని మరింత పెంచితే అలాంటి ఇబ్బంది ఉండదని పేర్కొన్నారు.