పర్యాటక ప్రదేశాలను చూడటానికి చలికాలం సరైన సమయం. ఈ టైంలో రాత్రిపూట చలితోనే ప్రాబ్లం. అంతేతప్ప ఎండతో కానీ వర్షంతో కానీ ఇలాంటి సమస్య ఉండదు. అందుకే ఎక్కువమంది ఈ కాలంలోనే ట్రావెల్ చేయడానికి ఇష్టపడతారు.
మీరు కూడా ట్రావెల్ చేయాలని అనుకుంటే హైదరాబాద్ కి దగ్గర్లోని ప్రదేశాలను సెలెక్ట్ చేసుకోండి. ఇప్పటివరకు ట్రావెల్ చేద్దామని ప్లాన్ చేసి చాలా సార్లు ఫెయిల్ అయ్యుంటారు. హైదరాబాద్ మీకు దగ్గర్లోనే ఉంటుంది కాబట్టి.. దాని చుట్టుపక్కల ఉండే ప్రదేశాలను చూడటం మీకు పెద్దగా ఇబ్బంది అవ్వకపోవచ్చు.
వరంగల్:
ఏకశిలానగరం అని చెప్పుకునే వరంగల్ లో చూడాల్సిన ప్రదేశాలు చాలా ఉన్నాయి. వేయి స్తంభాల గుడి నుండి మొదలుకొని భద్రకాళి ఆలయం, పాకాల చెరువు ఇంకా చాలా చాలా ఉన్నాయి.
శ్రీశైలం:
హైదరాబాద్ నుండి 200కిలోమీటర్ల దూరంలో ఉన్న మహా శివ క్షేత్రం శ్రీశైలం.. జ్యోతిర్లింగాలలో ఒకటి. కృష్ణా నది తీరాన, నల్లమల్ల అడవులలో ఉన్న ఈ క్షేత్రాన్ని ఒక్కసారైనా తప్పకుండా దర్శించాలి.
లేపాక్షి:
హైదరాబాద్ నుండి సుమారు 500 కిలోమీటర్ల దూరంలో ఉన్న లేపాక్షి.. వీరభద్ర ఆలయానికి ప్రసిద్ధి. ఈ ఆలయ నిర్మాణం చాలా కళాత్మకంగా ఉంటుంది. చరిత్రను ఎక్కువగా ఇష్టపడేవారు ఈ ప్రాంతాన్ని బాగా ఎంజాయ్ చేస్తారు.
స్వర్ణగిరి దేవాలయం:
వెంకటేశ్వర స్వామి కొలువైన ఈ ఆలయం హైదరాబాద్ కి చాలా దగ్గరలో ఉంది. ఈమధ్య ఇన్స్టా రీల్స్ ద్వారా బాగా ఫేమస్ అయ్యింది ఈ ఆలయం. సాయంత్రం పూట ఈ ఆలయం శోభాయమానంగా కనిపిస్తుంది.
రామోజీ ఫిలిం సిటీ:
హైదరాబాద్ నుండి అటు ఇటు వెళ్లడం ఎందుకని అనుకుంటే నగరంలోనే చాలా ప్రదేశాలు ఉన్నాయి. వాటిల్లో రామోజీ ఫిలిం సిటీ ఒకటి.
