దేశ‌వ్యాప్తంగా అమ‌ల‌వుతున్న లాక్‌డౌన్ 4.0 ఆదివారంతో ముగియ‌నున్న నేప‌థ్యంలో కేంద్రం ఇప్ప‌టికే లాక్‌డౌన్ 5.0ను అమ‌లు చేయ‌నున్నట్లు ప్ర‌క‌టించింది. జూన్ 1 నుంచి 30వ తేదీ వ‌ర‌కు లాక్‌డౌన్ 5.0 ఉంటుంద‌ని కేంద్రం తెలిపింది. అందులో భాగంగానే ప‌లు కార్య‌క‌లాపాల‌కు కూడా కేంద్రం ఆంక్ష‌ల‌ను స‌డ‌లించింది. అయితే ఈ నేప‌థ్యంలో తెలంగాణ రాష్ట్ర ప్ర‌భుత్వం కూడా లాక్‌డౌన్ 5.0ను పొడిగిస్తున్న‌ట్లు తెలిపింది.
తెలంగాణ‌లో జూన్ 30వ తేదీ వ‌ర‌కు లాక్‌డౌన్‌ను పొడిగిస్తున్న‌ట్లు ప్ర‌భుత్వం తెలిపింది. కేవ‌లం కంటెయిన్మెంట్ జోన్ల‌లోనే లాక్‌డౌన్ ఉంటుంద‌ని తెలియ‌జేసింది. ఇక కేంద్రం చెప్పినట్లుగానే రాత్రి 9 నుంచి ఉద‌యం 5 గంట‌ల వ‌ర‌కు క‌ర్ఫ్యూ ఉంటుంద‌ని అధికారులు తెలిపారు. అంత‌ర్ రాష్ట్ర రాక‌పోక‌ల‌పై నిషేధం ఎత్తివేసిన‌ట్లు ప్ర‌భుత్వం తెలిపింది.
