పచ్చికొబ్బరి వల్ల ఆరోగ్యానికి చాలా మేలు జరుగుతుంది. అందుకే పూజలో కొబ్బరికాయను కొట్టడం మన ఆచారం. ఇందులోప్రోటీన్, విటమిన్-సితో పాటు అన్ని రకాల ఖనిజాలు పుష్కలంగా ఉంటాయి. యాంటీ బాక్టీరియల్, యాంటీ ఫంగల్ గుణాలు కూడా ఉన్నాయి. రాత్రి పూట నిద్రపోయే ముందు పచ్చి కొబ్బరి తింటే శరీరంలో అనూహ్య మార్పులు వస్తాయంటున్నారు నిపుణలు. అవేంటో చూద్దాం.
చాలా మంది మలబద్ధకం సమస్యతో బాధపడుతుంటారు… నిద్రపోయే ముందు కొబ్బరి తింటే పొట్టలో ఉంటే దోషాలన్నీ తొలగిపోతాయి. ఉదయానే సుఖ విరేచనం అవుతుంది. మీకు మలబద్ధకం వంటి ఉదర సంబంధ సమస్యలేవైనా ఉంటే పడుకునే ముందు పచ్చి కొబ్బరి తినడం అలవాటు చేసుకోండి చాలు.
నిద్రపోయే ముందు పచ్చి కొబ్బరి తింటే గుండె ఆరోగ్యానికి ఎంతో మంచిది. ఇందులో ఉండే కొవ్వు శరీరంలోని మంచి కొలెస్ట్రాల్ స్థాయిని పెంచుతుంది. తద్వారా గుండె సంబంధ వ్యాధుల బారిన పడే ప్రమాదాన్ని తగ్గిస్తుంది.
శరీరంలో పేరుకుపోయిన కొవ్వును కొబ్బరి ఈజీగా తొలగిస్తుంది. రాత్రిళ్లు కొబ్బరి తినడం వల్ల జీర్ణ వ్యవస్థ మెరుగుపడుతుంది. ఇందులో ఉండే ఫైబర్ మలబద్ధకం వంటి సమస్యలను దూరం చేస్తుంది. అదనపు కొవ్వును కూడా కరిగిస్తుంది.
మొటిమలు, మచ్చలు వంటి చర్మ సంబంధించిన అన్ని సమస్యలను కొబ్బరి సులభంగా తొలగిస్తుంది. రాత్రి పడుకునే అరగంట ముందు పచ్చి కొబ్బరిని తీసుకోవడం వల్ల చర్మానికి సంబంధించిన అన్ని సమస్యల నుంచి బయటపడవచ్చు.
అన్నింటకంటే ముఖ్యమైనది..పడుకోవడానికే బెడ్ ఎక్కుతాం..కానీ నిద్రరాదు..అరగంట గంట అవుతుంది..గంటలు గడిచినా నిద్రరాక తెగ ఇబ్బందిపడుతారు. నిద్రలేమి సమస్యతో నేటి యువత అనేక ఇబ్బందులు ఎదుర్కొంటున్నారని ఎన్నో అధ్యయనాలు చెబుతున్నాయి.
అలాంటి వారు రాత్రి భోజనం చేసిన తర్వాత.. నిద్రించే అరగంట ముందు పచ్చి కొబ్బరిని తింటే… మీ నిద్రలేమి సమస్య తొలగిపోయి ఎంచక్కా నిద్ర పడుతుంది.
పచ్చికొబ్బరి ఆరోగ్యంతో పాటు అందానికి కూడా మేలు చేస్తుంది. స్కిన్ హెల్తీగా ఉండాలంటే..డైలీ కాస్త పచ్చికొబ్బరిని తింటే చాలు..మంచి గ్లోయింగ్ స్కిన్ వస్తుంది. ఇంకెందుకు ఆలస్యం మీ ఇంట్లో కొబ్బరి ఉంటే చక్కగా తినటం స్టాట్ చేసేయండి.
