కేసీఆర్‌ను చూసి నేర్చుకో…లేకపోతే నిరుద్యోగుల ఉసురు తగులుతుందని ఏపీ సీఎం జగన్ పై గోరంట్ల బుచ్చయ్య చౌదరి ఫైర్‌ అయ్యారు. నిరుద్యోగుల్ని ముఖ్యమంత్రి మోసగించారంటూ టీడీపీ ఎమ్మెల్యేలు, ఎమ్మెల్సీల నిరసన చేపట్టారు. ఈ సందర్భంగా గోరంట్ల బుచ్చయ్య చౌదరి మాట్లాడుతూ.. ఉద్యోగాల కల్పనలో తెలంగాణను చూసైనా ప్రభుత్వం సిగ్గు తెచ్చుకోవాలని.. రాష్ట్రంలో ప్రధాన సమస్యగా నిరుద్యోగం ఉందని ఫైర్‌ అయ్యారు.
నిరుద్యోగం తొలగించాల్సిన బాధ్యత ప్రభుత్వంపై ఉందని.. ప్రతిపక్ష నేతగా జగన్ 2.5 లక్షల ఉద్యోగాలు భర్తీ చేస్తానని హామీ ఇచ్చి మోసగించారని చెప్పారు. తెలంగాణలో 90వేల పోస్టులు భర్తీ చేస్తే ఏపీలో ఎందుకు చేయట్లేదు..? అని నిలదీశారు. నిరుద్యోగుల ఉసురు ఈ ప్రభుత్వానికి తగులుతుందని.. పదవీ విరమణ చేసిన వారి పోస్టులు సైతం భర్తీ చేయట్లేదని ఓ రేంజ్‌ లో ఫైర్‌ అయ్యారు. గుడ్డి ప్రభుత్వం వల్ల నిరుద్యోగులు రోడ్డున పడుతున్నారని.. ఆదాయం పెరిగిందంటున్న ప్రభుత్వం.. ఉద్యోగాల భర్తీ ఎందుకు చేపట్టట్లేదు..? అని నిలదీశారు.
