విద్యార్థిని పట్ల అసభ్యంగా ప్రవర్తించిన గురువుకు మూడు సంవత్సరాల జైలు శిక్ష విధించింది అనంతపురం జిల్లా జిల్లా స్పెషల్ కోర్టు. గత ఏడాది గుత్తి లోని ఓ పాఠశాలలో 8వ తరగతి చదువుతున్న అమ్మాయి పట్ల అసభ్యంగా ప్రవర్తించాడు సాలవేముల బాబు అనే టీచర్. క్లాస్ రూం లోనే అమ్మాయిని బలవంతం చేయబోయాడా ఆ కామాంధుడు.
కీచకుడి చర నుండి తప్పించుకొని జరిగిన విషయాన్ని తల్లికి చెప్పింది ఆ విద్యార్థిని. దీంతో దిశ SOS కు కాల్ చేసి పోలీసులకు సమాచారం ఇచ్చారు విద్యార్థిని కుటుంబ సభ్యులు. బాధితురాలి తల్లి ఇచ్చిన ఫిర్యాదు మేరకు నిందితుడిపై 354(D), పోక్స్ ఆక్ట్ కింద కేసు నమోదు చేశారు పోలీసులు. ఈ ఘటనపై పూర్తి ఆధారాలను స్పెషల్ పోక్స్ కోర్టు కు సమర్పించారు దిశ పోలీసులు. నిందితుడు సాలవేముల బాబుకు 3 సంవత్సరాల జైలు శిక్ష, 10 వేల రూపాయల జరిమాన విధించింది స్పెషల్ కోర్టు జడ్జ్. తక్షణం స్పందించడంతో పాటు, నిందితుడికి శిక్ష పడేలా పనిచేసిన దిశ పోలీసులకు కృతజ్ఞతలు తెలిపారు బాధితులు.
