నూతన పార్లమెంట్ భవనం ఆదివారం రోజున అట్టహాసంగా ప్రధాని నరేంద్ర మోదీ చేతుల మీదుగా ప్రారంభమైన విషయం తెలిసిందే. ఈ సందర్భంగా నూతన పార్లమెంట్కు సంబంధించిన కొన్ని ఫొటోలు సోషల్ మీడియాలో చక్కర్లు కొడుతున్నాయి. మరికొన్ని ఆసక్తికరమైన ఫొటోలను ప్రజా ప్రతినిధులు తమ సోషల్ మీడియా ఖాతాల్లో పంచుకుంటున్నారు. అలా కేంద్ర మంత్రి ప్రహ్లాద్ జోషి తన ట్విటర్ ఖాతాలో పోస్టు చేసిన ఓ ఫొటో చాలా ఆసక్తికరంగా ఉంది. ఇంతకీ ఆ ఫొటో ఏంటంటే..?
పార్లమెంట్ భవనంలోని ఓ గోడపై ఉన్న మ్యాప్ పురాతన భారతదేశాన్ని సూచించే విధంగా ఉంది. అందులో ప్రస్తుతం పాకిస్థాన్లో ఉన్న తక్షశిల, మరికొన్ని రాజ్యాలు కూడా ఉన్నాయి. ఈ మ్యాప్ను కేంద్ర మంత్రి ప్రహ్లాద్ జోషి తన ట్విటర్ ఖాతాలో షేర్ చేస్తూ.. ‘సంకల్పం సుస్పష్టం.. అఖండ భారత్’ అంటూ ట్వీట్ చేశారు.
‘అఖండ భారత్’ భావన అనేది ప్రస్తుత అఫ్గానిస్థాన్, పాకిస్థాన్, బంగ్లాదేశ్, శ్రీలంక, మయన్మార్, థాయ్‌లాండ్‌లతో కూడిన భౌగోళిక ప్రాంతంతో ఉన్న అవిభక్త భారతదేశాన్ని సూచిస్తుంది.
ಸಂಕಲ್ಪ ಸ್ಪಷ್ಟವಾಗಿದೆ – ಅಖಂಡ ಭಾರತ 🇮🇳#NewParliamentBuilding#MyParliamentMyPride pic.twitter.com/tkVtu3CCoh
— Pralhad Joshi (@JoshiPralhad) May 28, 2023
