తాజాగా ‘ది డీపెస్ట్‌ బ్రీత్‌’ డాక్యుమెంటరీ ట్రైలర్ను నెట్ఫ్లిక్స్ విడుదల చేసింది. సముద్రంలో ఫ్రీడైవింగ్‌ చేసే నేపథ్యంలో తెరకెక్కించిన ఈ డాక్యుమెంటరీ ట్రైలర్ను విడుదల చేయడంపై నెట్ఫ్లిక్స్ ప్రస్తుతం తీవ్రమైన విమర్శలను ఎదుర్కొంటోంది. ఇంతగా విమర్శలు ఎదుర్కోవడానికి గల కారణం.. టైటాన్‌ మినీ సబ్మెరైన్ ఆచూకీ సముద్రంలో గల్లంతై పేలిపోవడమే. అట్లాంటిక్‌ మహా సముద్రంలో 111ఏళ్ల కిందట మునిగిన టైటానిక్‌ నౌక శకలాలను చూసేందుకు టైటాన్‌ మినీ సబ్మెరైన్సో వెళ్లిన ఓ ఐదుగురి బృందం సబ్మెరైన్ పేలి చనిపోయారు.
ఈ ఘటన జరిగిన సమయంలోనే.. ఫ్రీడైవింగ్‌ నేపథ్యంగా తెరకెక్కిన ఈ డాక్యుమెంటరీ ట్రైలర్ను విడుదల చేసినందుకుగానూ నెట్ఫ్లిక్స్ విమర్శలు ఎదుర్కోవలసి వచ్చింది. ఫ్రీడైవింగ్‌లో వరల్డ్‌ రికార్డును సొంతం చేసుకున్న అలేసియా జెచీని జీవితం ఆధారంగా ఈ చిత్రం తెరకెక్కింది. సముద్రంలో ప్రాణంతో చెలగాటం ఆడినట్టు చూపించిన ఈ డాక్యుమెంటరీ ట్రైలర్ను విడుదల చేయడానికి ఇది సరైన సమయం కాదంటూ అభిమానులు, ప్రజలు ఆగ్రహం వ్యక్తం చేశారు.
