ఆన్‌లైన్‌ అంటే మనం ఏ చిన్న వస్తువు కోసం సర్చ్‌ చేసినా సరే.. ఇక ఆ తర్వాత ఏ వెబ్‌ సైట్‌ ఓపెన్ చేసినా ఆ వస్తువు సంబంధించిన యాడ్స్‌ హే కనిపిస్తాయి. మీరు ఇన్‌స్టా ఓపెన్ చేసినా సరిగ్గా అదే ప్రొడెక్ట్స్‌కు సంబంధించిన ప్రకటనలు ఉంటాయి. ఇలా మనం ఫోనోలో ఏది చూస్తున్నా.. ఇదిగో నా కోసం వెతికావు కదా..తీసుకో అన్నట్లు ఈ ప్రకటనలు విసిగెత్తిస్తాయి. కొనేది మీరే అయినా కొన్ని ట్రిక్స్ ఉపయోగించి దిగ్గజ సంస్థలు మీ చేత ఆ వస్తువులు కొనిపిస్తున్నాయి. ఆ విషయం మీకు కూడా తెలియడం లేదు. అందుకే ఇలాంటి చీప్‌ ట్రిక్స్ ఇక ఆపేయమని సెంట్రల్‌ గవర్నమెంట్‌ ఈ సంస్థలన్నింటికి గట్టి వార్నింగ్‌ ఇచ్చింది.
అమెజాన్, ఫ్లిప్‌కార్ట్, నైకా, బిగ్‌బాస్కెట్‌, రిలయన్స్‌ రిటైల్‌, స్విగ్గీ, మీషో వంటి టాప్‌ డిజిటల్ కామర్స్ కంపెనీలకు కేంద్రం స్ట్రాంగ్‌ వార్నింగ్‌ ఇచ్చింది. కన్జ్యూమర్లను ట్రాప్‌ చేసే చౌకబారు పనులు ఇక మానుకోవాలని చెబుతూ లేఖలు పంపింది. యూజర్లను ఛాయిస్‌ను మోసం/తారుమారు చేసే “డార్క్ ప్యాటర్న్స్‌” డిస్కషన్స్‌ లేకుండా ఆపేయమంటూ హెచ్చరించింది. ఈ కామర్స్ కంపెనీలు ఉపయోగిస్తున్న డార్క్ ప్యాటర్న్‌లు కన్జ్యూమర్లను కన్‌ఫ్యూజ్‌ చేస్తాయి. అవసరం లేని వస్తువును కూడా కొనేలా చేస్తాయి.
ఈ-కామర్స్ కంపెనీలు చేసే చీప్‌ ట్రిక్స్ ఇవే..
అర్జెన్సీ: ఒక ప్రొడక్ట్‌ను కొనేలా కన్జ్యూమర్‌ను బలవంతం చేస్తాయి. ఆ ఉత్పత్తి అత్యవసరం అనిపించేలా మీ మైండ్‌వాష్‌ చేయడం లేదా, కొరతను సృష్టించడం. కన్జ్యూమర్‌ రెండో ఆలోచన లేకుండా ఆ ప్రొడక్ట్‌ను కొనిపించడమే ఈ వ్యూహం ప్రధాన లక్ష్యం. ఆఫర్‌ ఇంకో రెండు రోజుల్లో అయిపోతుంది, ఆ తర్వాత ధరలు పెరిగిపోతాయి అని పదే పదే మెసేజ్‌లు పెట్టడం మీరు కార్ట్‌లో పెట్టినవాటిని రిమైండ్‌ చేయడం, ఇంకా రెండే ఉన్నాయి, త్వరగా తీసుకోండి అని నోటిఫై చేయడం అన్నీ ఇందులో భాగమే.
బాస్కెట్ స్నీకింగ్ :
కొన్ని వెబ్‌సైట్‌లు లేదా యాప్‌లు కన్జ్యూమర్‌ అనుమతి లేకుండానే షాపింగ్ కార్ట్‌లో కొన్ని ప్రొడక్ట్స్‌, సర్వీసులను యాడ్‌ చేయడానికి డార్క్ ప్యాటర్న్స్‌ ఉపయోగిస్తున్నాయి.
కన్‌ఫర్మ్‌ షేమింగ్‌ :
ఇదొక మైండ్‌ గేమ్‌ అనే చెప్పాలి. ఒక నమ్మకం లేదా వ్యూపాయింట్‌కు అనుగుణంగా కన్జ్యూమర్‌ ఆలోచనలు లేకపోతే ఇది వాళ్లను విమర్శిస్తుంది, మాటలతో దాడి చేస్తుంది. ఫైనల్‌గా, వినియోగదార్లను తన దారిలోకి తెచ్చుకుంటుంది.
ఫోర్స్‌డ్‌ యాక్షన్‌ :
వినియోగదార్లు ఇష్టపడని పనులను కూడా బలవంతంగా చేయిస్తుంది. ఉదాహరణకు.. వెబ్‌సైట్‌ లేదా యాప్‌లోని కంటెంట్‌ను యాక్సెస్ చేసేందుకు కచ్చితంగా సైన్-అప్ అడుగుతుంది. ముందుకు వెళ్లాలంటే సైన్ ఇన్‌ అవ్వాల్సిందే అంటుంది.
న్యాగింగ్‌ :
ఇది కూడా మానసికంగా వేధించడం లాంటిదే. ప్రొడక్ట్‌కు సంబంధించి విమర్శల రూపంలో కన్జ్యూమర్‌ను నిరంతరం వెంటాడుతుంది. ఉత్పత్తి మీద ఏవైనా కంప్లైంట్స్‌, రిక్వెస్ట్‌లకు సంబంధించి యాక్షన్‌ తీసుకోవాలంటూ విసిగిస్తుంది.
సబ్స్క్రిప్షన్ ట్రాప్స్ :
ఈ వ్యూహం ప్రకారం.. వినియోగదార్లు సులభంగా సైన్-అప్ చేస్తారు. కానీ, ఆ సబ్స్క్రిప్షన్ వద్దకున్నప్పుడు క్యాన్సిల్‌ చేయడం అంత ఈజీ కాదు. కాన్సిలేషన్‌ ఆప్షన్‌ను దాచి పెట్టడం లేదా ప్రాసెస్‌ హెవీ చేయడం చేస్తారు. మనకు అసలే బద్దకం.. అన్ని స్టెప్స్‌ ఫాలో అవుతూ చేయకపోతే ఇప్పుడేం అవుతుందిలే అని లైట్‌ తీసుకుంటాం
బెయిట్‌/స్విచ్‌ :
ఒక ప్రొడక్ట్‌ లేదా సర్వీస్‌ గురించి గొప్పగా యాడ్‌ ఇచ్చి, కన్జ్యూమర్‌ ఆర్డర్‌ చేసినప్పుడు వేరే ప్రొడక్ట్‌ పంపడం లేదా లో-క్వాలిటీ ఉన్నవి డెలివెరీ చేయడం. ఇలా ఎవరూ చేస్తారో మీకు బాగా తెలుసు కదా..!
హిడెన్‌ కాస్ట్స్‌ :
ఒక వస్తువు/సర్వీస్‌ను కొనే క్రమంలో, పేమెంట్‌ చేసే చివరి స్టేజ్‌ వచ్చేవరకు కూడా అదనపు ఖర్చుల గురించి చెప్పకుండా దాచడం ఈ వ్యూహం ఉద్దేశం. తీరా కొనాలని అడ్రస్‌ కార్డ్‌ డీటేల్స్‌ యాడ్‌ చేశాక అప్పుడు ఏవేవో ఖర్చులు చూపిస్తుంది. మనం మళ్లీ వెనక్కు ఏం వెళ్తాంలే అని ఆర్డర్‌ పెట్టేస్తాం.
ఇంటర్ఫేస్ ఇంటర్‌ఫిరెన్స్‌ :
సబ్స్క్రిప్షన్ రద్దు చేయడం లేదా అకౌంట్‌ డిలీట్‌ చేయడం వంటి పనులను కష్టంగా మార్చి, కన్జ్యూమర్లకు చుక్కలు చూపిస్తుంది.
యాడ్స్‌కు ముసుగు :
యూజర్‌ రాసిన రివ్యూలు లేదా మీడియా న్యూస్‌ రూపంలో యాడ్స్‌ను ప్రజెంట్‌ చేయడం. అంటే. కంటెంట్‌ తరహాలో కనిపించేలా యాడ్స్‌ రూపొందిస్తారు.
డిజిటల్ మార్కెటింగ్‌ అంటే ఒక పెద్ద మాయా ప్రపంచం. అందులో మునిగారంటే మిమ్మలన్ని బానిసలుగా చేసి మీ పర్సులు ఖాళీ చేస్తారు. మనకు మన ఆలోచనలపై, ఖర్చులపై అవగాహన , శ్రద్ధ ఉండాలి. లేకపోతే ఇలాంటి ట్రాప్‌లో పడక తప్పదు.
