తమిళ సినిమాలకు తెలుగు ప్రేక్షకులు ఈ మధ్య తెగ ఫిదా అవుతున్నారు. అందుకే తమిళ్ నిర్మాతలు ఆ సినిమాలను తెలుగులోకి డబ్బింగ్ చేసి మరీ రిలీజ్ చేస్తున్నారు. కేవలం తెలుగే కాదు హిందీ, మలయాళం, కన్నడ ఇలా అన్ని భాషల్లోకి విడుదల చేస్తున్నారు. అలా తమిళంలో రిలీజ్ అయిన సినిమా తందట్టి.
పశుపతి రామస్వామి, రోహిణి, వివేక్‌ ప్రసన్న కీలక పాత్రల్లో నటించిన తమిళ చిత్రం ‘తందట్టి’. రామ్‌ సంగయ్య దర్శకుడు. ఇటీవల ప్రేక్షకుల ముందుకు వచ్చిన ఈ సినిమా ఓ విభిన్న కథా చిత్రంగా మంచిటాక్‌ను సొంతం చేసుకుంది. ఇప్పుడు ఈ సినిమా ఓటీటీలో స్ట్రీమింగ్ అయ్యేందుకు సిద్ధమైంది. ప్రముఖ ఓటీటీ వేదిక అమెజాన్‌ ప్రైమ్‌ వీడియో వేదికగా ‘తందట్టి’ జులై 14న తమిళ, తెలుగు, కన్నడ, మలయాళ భాషల్లో స్ట్రీమింగ్ కానుంది.
కథేంటంటే.. పోలీస్‌ కానిస్టేబుల్‌ అయిన వీర సుబ్రమణియన్‌ (పశుపతి) పది రోజుల్లో పదవీ విరమణ చేయాల్సి ఉంటుంది. ఈ క్రమంలో సెల్వరాజ్‌ బామ్మ (రోహిణి) కనిపించకుండా పోతుంది. ఈ కేసు పరిష్కరించే పనిని సీనియర్‌ అధికారి సుబ్రమణియన్‌కు అప్పగిస్తాడు. ఈ క్రమంలో అతడికి ఎలాంటి పరిస్థితులు ఎదురయ్యాయి. కేసు పరిష్కారం అయిందా? తెలియాలంటే సినిమా చూడాల్సిందే.
