చంద్రయాన్ 2 ఆర్బిటార్ తాజాగా తీసిన విక్రమ్ ల్యాండర్ ఫొటోలను ఇస్రో సోషల్ మీడియా ఎక్స్ (ట్విటర్)లో పోస్టు చేసింది. ‘నేను నీపై నిఘా పెడతాను!’ అంటూ చంద్రయాన్-2 ఆర్బిటార్ చేసిన వ్యాఖ్యలను క్యాప్షన్గా ఇచ్చింది. అయితే ఈ పోస్టును కాసేపటికే డిలీట్ చేసింది. దీంతో ఏమైందోనని ప్రజలు గందరగోళంలో పడిపోయారు. అయితే ఇస్రో పెట్టిన పోస్టులో ఇంకా ఏం చెప్పిందంటే..?
‘చంద్రయాన్-2 ఆర్బిటర్.. చంద్రయాన్-3 ల్యాండర్ను ఫొటోషూట్‌ చేసింది. చంద్రయాన్-2 ఆర్బిటర్ హై-రిజల్యూషన్ కెమెరా .. ప్రస్తుతం చంద్రుడిపై ఉన్న అత్యుత్తమ రిజల్యూషన్ ఉన్న కెమెరా. 23/08/23న ల్యాండ్ అయిన తర్వాత చంద్రయాన్-3 ల్యాండర్ను గుర్తించింది’ అని ఇస్రో పోస్టులో పేర్కొంటూ.. రెండు ఫొటోలను కూడా పోస్ట్ చేసింది.
ISRO deletes its recently issued tweet on Chandrayaan-3 pic.twitter.com/Lv1uphYpTp
— ANI (@ANI) August 25, 2023
మరోవైపు.. జాబిల్లిపైకి దూసుకెళ్లిన విక్రమ్ ల్యాండర్ పొట్టలో నుంచి ప్రగ్యాన్ రోవర్ చంద్రుడి ఉపరితలంపై దిగిన వీడియోను తాజాగా ఇస్రో విడుదల చేసింది. తన బుల్లి కాళ్లతో జారుకుంటూ వెళ్లిన రోవర్ వీడియో ఆకట్టుకుంటోంది. నెట్టింట ఈ వీడియో తెగ వైరల్ అవుతోంది.
… … and here is how the Chandrayaan-3 Rover ramped down from the Lander to the Lunar surface. pic.twitter.com/nEU8s1At0W
— ISRO (@isro) August 25, 2023
