బిగ్ బాస్ సీజన్ సెవెన్ సందడి మొదలైంది. ప్రతి ఏడాది లాగే ఈ ఏడాది కూడా చాలా ఘనంగా ప్రారంభం అయింది. ఇక ఈసారి కూడా ఈ సీజన్ కి నాగార్జున హోస్ట్ గా వ్యవహరిస్తున్నారు. ముఖ్యంగా బిగ్బాస్ హౌస్ లోకి వెళ్లే కంటెస్టెంట్స్ విషయంలో ప్రేక్షకులలో ఆసక్తి నెలకొనగా.. నిన్నటి వరకు చాలామంది పేర్లు వినిపించాయి. కానీ నిన్న నాగార్జున మొదటి రోజు 14 మందిని హౌస్ లోకి పంపించి అందర్నీ ఆశ్చర్యానికి గురి చేశారు. అయితే ఈ హౌస్ లోకి వెళ్ళిన 14 మంది కూడా కంటెస్టెంట్స్ కాదు అని అందులో కొంతమంది తిరిగి వచ్చేస్తారు అని కూడా ఆయన తెలిపారు.
ముఖ్యంగా కంటెస్టెంట్ గా కొనసాగాలి అంటే అక్కడ టాస్క్ గెలవాలి అని కూడా ఆయన తెలిపారు. ఇక బిగ్ బాస్ సీజన్ 7 హౌస్ లోకి వెళ్లిన వారిలో ఉండేది ఎవరు? వెళ్ళేది ఎవరు? అనేది ఇప్పుడు ఆసక్తికరంగా మారింది. ఇకపోతే బిగ్ బాస్ హౌస్ లోకి అడుగుపెట్టిన వారు ఎవరు అనే విషయానికి వస్తే.. మొదటి కంటెస్టెంట్ గా ప్రియాంక జైన్, హీరో శివాజీ , సింగర్ దామిని భట్ల, మోడల్ ప్రిన్స్, శుభశ్రీ , షకీలా , శోభా శెట్టి, టేస్టీ తేజ, రతికరోజ్ , గౌతమ్ కృష్ణ , పల్లవి ప్రశాంత్, అమర్దీప్ చౌదరి, కిరణ్ రాథోడ్ బిగ్ బాస్ హౌస్ లోకి అడుగుపెట్టారు .
అయితే వీరిలో చాలామంది ప్రేక్షకులకు పెద్దగా తెలియని మొహాలే అని చెప్పాలి . అలాంటి వారిలో పల్లవి ప్రశాంత్ కూడా ఒకరుగా. యూట్యూబర్ గా తన కెరీర్ ను మొదలుపెట్టిన పల్లవి ప్రశాంత్ రైతు బిడ్డని అంటూ నెట్టింటే బాగానే సందడి చేస్తూ ఉంటాడు. ఇప్పుడు గేమ్ షో కి వెళ్లాలని ఎప్పటినుంచో సోషల్ మీడియా వేదికగా రకరకాల పోస్టులు, వీడియోలు షేర్ చేస్తున్నాడు. అలాంటి ఇతడికి ఆడే అవకాశం వచ్చింది మరి ఎలా మెప్పిస్తాడో చూడాలి.
View this post on Instagram
