గోల్డెన్‌ గ్లోబ్‌ అవార్డ్స్‌లో ‘ఓపెన్‌హైమర్‌’ హవా.. ఏకంగా ఐదు అవార్డులు సొంతం

గోల్డెన్‌ గ్లోబ్‌ 2024 అవార్డుల్లో ‘ఓపెన్‌హైమర్‌’ మూవీ సత్తా చాటింది. మొత్తం ఐదు భాగాల్లో ఈ పురస్కారాలను సొంతం చేసుకుంది. ఉత్తమ నటుడు, దర్శకుడు, నటుడు (డ్రామా), సహాయ నటుడు, ఉత్తమ ఒరిజినల్‌ స్కోర్‌ అవార్డులను కైవసం చేసుకుంది. ఉత్తమ నటుడిగా కిలియన్‌ మర్ఫీ, ఉత్తమ దర్శకుడిగా క్రిస్టఫర్‌ నోలన్‌కు అవార్డులు దక్కాయి.

క్రిస్టఫర్‌ నోలన్‌ దర్శకత్వం వహించిన ఈ సినిమాలో కిలియన్ మర్ఫీ ప్రధాన పాత్రలో నటించిన విషయం తెలిసిందే. శాస్త్రవేత్త జె.రాబర్ట్ ఓపెన్‌హైమర్ జీవితం ఆధారంగా తెరకెక్కిన ఈ సినిమా ప్రపంచవ్యాప్తంగా ఘన విజయాన్ని అందుకున్న విషయం తెలిసిందే. కాలిఫోర్నియాలోని బేవర్లీ హిల్స్‌లో అవార్డుల వేడుక ఘనంగా జరిగింది. మార్గోట్ రాబీ, ర్యాన్ గోస్లింగ్ నటించిన ‘బార్బీ’ కూడా పలు కేటగిరీల్లో అవార్డులను సొంతం చేసుకుంది.