ఏపీకి కేంద్రం శుభవార్త చెప్పింది.ఆంధ్రప్రదేశ్ రాష్ట్రానికి దాదాపు రూ.500 కోట్లు మంజూరు చేస్తూ నిర్ణయం తీసుకుంది. ఆంధ్రప్రదేశ్ రాష్ట్రంలో 200.06 కిలోమీటర్ల పొడవైన 13 రాష్ట్ర రహదారుల అభివృద్ధికి కేంద్ర రహదారి మౌలిక వసతుల నిధి- సీఆర్ఎఎఫ్ నుంచి రూ.400 కోట్లు మంజూరు చేసింది.
గుంటూరు-నల్లపాడు రైల్వే మార్గంలో రూ.98 కోట్లతో శంకర్ విలాస్ ఆర్వోబీని 4 వరుసలతో నిర్మించడానికి ఆమోదం తెలిపింది. ఇటీవల సీఎం చంద్రబాబు గడ్కరీని కలిసి చర్చించిన నేపథ్యంలో వెలువడింది ప్రకటన. ఇక తాజాగా ‘ఎక్స్’ వేదికగా కేంద్ర రహదారి, రవాణాశాఖ మంత్రి నితిన్ గడ్కరీ ట్వీట్ చేయడం జరిగింది.
