జగిత్యాలకు చేరుకున్నారు మాజీ మంత్రి హరీష్ రావు. కోరుట్ల ఎమ్మెల్యే సంజయ్ పాదయాత్రకు మద్దతుగా హరీష్ రావు ఇక్కడికి వచ్చారు. అయితే రాష్ట్రంలో రైతులు ఎదుర్కొంటున్న సమస్యలకు ప్రభుత్వ రైతు వ్యతిరేక విధానాలకు నిరసనగా కోరుట్ల ఎమ్మెల్యే డాక్టర్ సంజయ్ పాదయాత్ర చేస్తున్న సంగతి తెలిసిందే. మంగళవారం ఉదయం కోరుట్లలో ప్రారంభమైన పాదయాత్ర చల్ గల్ వరకు చేరుకుంది.
ఇక చల్ గల్ నుండి మాజీ మంత్రులు హరీష్ రావు, ఎమ్మెల్యే గంగుల కమలాకర్, కొప్పుల ఈశ్వర్, మాజీ ఎమ్మెల్యేలు విద్యాసాగర్ రావు , కోరుకంటి చందర్,జడ్పీ మాజీ చైర్పర్సన్ దావ వసంత, మంథని మాజీ జెడ్పీ చైర్మన్ పుట్ట మధుతో సహా స్థానిక BRS నాయకులు రైతులు పెద్ద ఎత్తున ఈ పాదయాత్రలో పాల్గొన్నారు. చల్ గల్ నుండి పాదయాత్రగా బయలుదేరిన నాయకులు జగిత్యాల కలెక్టరేట్ కు చేరుకొని.. అక్కడ రైతు సమస్యలపై కలెక్టర్ సత్యప్రసాద్ కు వినతిపత్రం అందజేయనున్నారు.
