ఆదిపురుష్ సినిమా విడుదలై మూడ్రోజులుగా థియేటర్లలో ప్రభంజనం సృష్టిస్తోంది. జూన్ 16వ తేదీన ప్రపంచవ్యాప్తంగా తెలుగు, హిందీ, త‌మిళ, క‌న్న‌డ, మ‌లయాళ భాష‌ల్లో ఏకకాలంలో విడుదలైన ఈ సినిమా.. మూడు రోజుల్లో రూ.340 కోట్లు సాధించింది. రికార్డు ఓపెనింగ్స్తో ప్రారంభమైన ‘ఆదిపురుష్’ బాక్సాఫీస్ జర్నీ.. ప్రేక్షకుల నుంచి మిశ్రమ స్పందన వస్తున్నా.. వీకెండ్లో కలెక్షన్ల జోరు కొనసాగించింది.
నెగిటివ్ టాక్లోనూ ఆదిపురుష్ కలెక్షన్ల సునామీ సృష్టించడం ప్రభాస్కు ఉన్న క్రేజ్ను తెలియజేస్తోంది. ఈ సినిమా తొలి రోజు ప్రపంచవ్యాప్తంగా రూ. 140 కోట్ల గ్రాస్ వసూళ్లు సాధించింది. రెండో రోజు రూ.100 కోట్లు.. మూడో రోజు రూ. 100 కోట్ల నెట్ కలెక్షన్లు రాబట్టింది. ఈ మేరకు ఆదిపురుష్ నిర్మాణ సంస్థ టీ-సిరీస్ అధికారికంగా ప్రకటించింది. ‘ఆదిపురుష్’ మూడు రోజులు కలెక్షన్లు ఇలా ఉన్నాయి.
ఆదిపురుష్ కలెక్షన్లు (వరల్డ్ వైడ్) :
- తొలి రోజు – రూ. 140 కోట్లు
- రెండో రోజు – రూ. 100 కోట్లు
- మూడో రోజు – రూ. 100 కోట్లు
