తెలుగు రాష్ట్రాల్లో బాలయ్య హవా సాగుతోంది. వీరసింహారెడ్డి సినిమా ఇవాళ విడుదలైన నేపథ్యంలో థియేటర్ల వద్ద అభిమానుల సందడి మామూలుగా లేదు. టపాసులు పేలుస్తూ బాలయ్య కటౌట్కు పాలాభిషేకాలు చేస్తూ కోలాహలం సృష్టిస్తున్నారు. థియేటర్లో ఇక ఫ్యాన్స్ ఫుల్జోష్లో సినిమా చూస్తున్నారు.
నిజామాబాద్ జిల్లా బోధన్ నుంచి నందమూరి బాలకృష్ణ నటించిన ‘వీరసింహారెడ్డి’ చిత్రాన్ని చూడడానికి సుమారు 150 కార్లలో థియేటర్‌కు తరలివెళ్లారు. కార్లలో వెళ్లిన 600 మంది సినిమా చూసి అభిమానాన్ని చాటుకున్నారు. బాలయ్య పై అభిమానంతో తామందరం కలిసి వెళి సినిమా చూశామని అభిమానులు తెలిపారు.
