పవన్ కళ్యాణ్ హీరోగా నటిస్తున్న తాజా చిత్రం వకీల్ సాబ్. బాలీవుడ్ హిట్ మూవీ పింక్ సినిమాకి అఫీషియల్ రీమేక్ గా ఈ సినిమాని తెరకెక్కిస్తున్నారు. వేణు శ్రీరాం తెరకెక్కిస్తున్న ఈ సినిమాని శ్రీవెంకటేశ్వర క్రియోషన్స్ పతాకం పై టాలీవుడ్ స్టార్ ప్రొడ్యూసర్ దిల్ రాజు నిర్మిస్తుండగా బాలీవుడ్ ప్రొడ్యూసర్ బోనీకపూర్ సహ నిర్మాతగా వ్యవహరిస్తున్నారు. ఇప్పటికే రెండు భాషల్లో హిట్ అయినా ఈ సినిమా మీద తెలుగు ప్రేక్షకులు ఎంతో ఆసక్తిగా ఉన్నారు.
ఇక ఈ సినిమా కి సంధించిన కొన్ని లేటెస్ట్ అప్‌డేట్స్ ని దర్శకుడు వేణు శ్రీరాం వెల్లడించారు. ఈ సినిమాకి సంబంధించి పవన్ కళ్యాణ్ శృతిహాసన్ మీద ఒక రొమాంటిక్ సాంగ్ తో పాటు కొంత టాకీ పార్ట్ బ్యాలెన్స్ ఉందని మొత్తం మీద ఈ సినిమాకి నెల రోజులపాటు వర్క్ చేయాల్సి ఉందని తెలిపారు. లాక్ డౌన్ తర్వాత బ్యాలెన్ వర్క్ కంప్లీట్ చేయడానికి సన్నాహాలు చేస్తున్నట్టు వెల్లడించారు. ఇక ఈ సినిమా షూటింగ్ లో పవన్ కళ్యాణ్ పాల్గొనడం కూడా చాలా ఆసక్తిని కలిగించిందని పగలంతా రాజకీయాల పనుల్లో బిజీగా ఉండి కూడా రాత్రిళ్ళు చాలా ఉత్సాహంగా షూటింగ్ లో పని చేశారని తెలిపాడు.
అయితే ఈ సినిమా ఆగస్టులో రిలీజ్ చేసేందుకు అన్ని విధాలా కార్యాచరణ చేస్తున్నప్పటికి నెల రోజులు పాటు బ్యాలెన్స్ వర్క్, కరోనా ఎఫెక్ట్ తో ఆ సమయానికి సినిమా రెడీ అవుతుందా అన్నది ఇంకా క్లారిటీ లేదని తెలుస్తుంది. ఒకవెళ ఆగస్టు రెండవవారం లో సినిమా రిలీజ్ ఉంటుందని అంటున్నారు. అప్పుడు గనక మిస్ అయితే మళ్ళీ అక్టోబర్ లోనే రిలీజ్ ఉండే అవకాశాలున్నాయని తెలుస్తుంది.
